سەيسەنبى, 31 ناۋرىز 2020
كاسىپ-ءتۇبى ءناسىپ 2122 0 پىكىر 25 شىلدە, 2016 ساعات 15:10

وقو-دا شارۋالار ءۇشىن ارزانداتىلعان جانار-جاعارماي مولشەرى جەتكىلىكتى

بۇل تۋرالى بۇگىن وقو اكىمىنىڭ ورىنباسارى س.تۇياقباەۆ وقو ايماقتىق  كوممۋنيكاتسيالار قىزمەتىندە وتكەن بريفينگتە حابارلادى. بۇل تۋرالى «وقو اكىمىنىڭ ءباسپاسوز قىزمەتى» جازادى.

ايتۋىنشا، بۇگىنگى تاڭدا وبلىستا شىلدە ايىنا بولىنگەن 13 مىڭ توننا جانار-جاعارمايدىڭ 3,2 مىڭ تونناسى تولىق تاراتىلىپ بەرىلسە، قالعان 8,3 مىڭ تونناسىنا قاراجات تولەنىپ، سۇيىق وتىن بارلىق اۋدانداردىڭ اۋىلدارىنداعى قويمالارعا جەتكىزىلگەن. ال جانارماي العىسى كەلگەن كەز كەلگەن شارۋا، الدىمەن، ءوز اۋدانىنداعى اكىمدىككە بارىپ، تالون الىپ، جەرىنىڭ كولەمىنە سايكەس، قاجەت وتىندى الا الادى.  

«قازىرگى تاڭدا بۇرىنعى جۇيە جاڭارىپ، شارۋالار جاڭادان قالىپتاسقان جۇيە بويىنشا جانار-جاعارماي الۋدا. بىزدە بۇل جۇمىستارعا قوسىمشا، وبلىستىق كاسىپكەرلىك باسقارماسىمەن بىرلەسۋ ارقىلى، وبلىستىق جانار-جاعارماي قاۋىمداستىعىمەن جانە وبلىستىق كاسىپكەرلىك پالاتاسىمەن ارنايى مونيتورينگ جۇرگىزىلىپ جاتىر. ەگەر قانداي دا ءبىر ولقىلىق ورىن العان جاعدايدا ارنايى قۇرىلعان جۇمىسشى توبىمەن ءتيىستى شارالار قابىلدايتىن بولامىز»، - دەدى س.تۇياقباەۆ.

ەسكە سالايىق، بيىل اۋىل شارۋاشىلى سالاسىنىڭ وراق ورۋ ناۋقانىن جۇرگىزۋ ءۇشىن ۇكىمەتتەن 39 مىڭ توننا جانار-جاعارماي بولىنگەن بولاتىن. ونىڭ 13 مىڭ تونناسى شىلدە ايىنا بولىنسە، 12 مىڭ تونناسى تامىز ايى ءۇشىن قارالعان. ال 14 مىڭ توننا سۇيىق وتىندى قىركۇيەك ايىندا تاراتۋ جوسپارلانعان.

ءباسپاسوز ءماسليحاتىندا وبلىس اكىمىنىڭ ورىنباسارى بۇل سالادا ءوڭىر بويىنشا 17 وپەراتوردىڭ بار ەكەنىن حابارلادى. ءار اۋداندا ءبىر وپەراتوردان بولسا، ماقتارال مەن سارىاعاش اۋداندارىندا ەكى وپەراتوردان بار ەكەن. ارزانداتىلعان جانار-جاعارمايلار وبلىستاعى 56 جانارماي بەكەتى بويىنشا تاراتىلۋدا. ەگەر دە، شارۋا سۇيىق وتىندى قويمادان الاتىن بولسا 83 تەڭگەدەن، ال جانارماي بەكەتىنەن السا 85 تەڭگە الا الادى. ال جالپى ارزانداتىلعان وتىننىڭ نارىقتاعى باعاسى 99 تەڭگە.

اباي اقپارات

0 پىكىر