Jer reformasy turaly komissiyanyng kezekti, kóshpeli otyrysy Qyzylorda oblysynda ótkeni belgili. Altynshy otyrystyng aldynda ghana Aqordanyng pәrmenimen komissiyanyng basy býtin jetekshisi jәne Ýkimet basshysynyng orynbasary atanghan әri Auylsharuashylyq ministri Asqar Isabekúly atalghan komissiyanyng qazirgi júmysyna kónili tolmaytyndyghyn bildirdi.

Auylsharuashylyq ministrine komissiyadaghy kóp myrzanyng kópirip sóilegeni únamasa kerek, «jersәbetke» sózden iske kóshu kerektigin ashyq aitty. Úrandatyp sóilegenderding úrtyn basugha bek niyetti ekendigin de jasyrmady.

«Biz býgingi otyrysty basqasha formatty ótkizuge tyrystyq. Endi lajy bolsa, qaytalap aita bermey, sol tuyndap otyrghan problemalar, kóterip otyrghan mәsele boyynsha qanday sheshim qabyldauymyz kerek? Qoldanystaghy zandardy qalay jaqsartuymyz kerek? Sonyng ishindegi halyqtyng da kókeyinde jýrgen mәselelerdi qalay ontaylandyru kerek? Osy maqsatta úshy shyghyp túrghan mәselelerdi toptastyryp, osy jiyngha dayyndadyq. Biraq, búl úsynystar boyynsha eshqanday talqylaular bolghan joq. Biz kýtkendey osy jerdegi tauar óndirushiler, komissiya mýsheleri naqty úsynystar bildire me dep edik, onday úsynystar aitylmady. Taghy da sol aitylyp jýrgen mәseleler qayta-qayta aityldy. Onyng ýstine keybir mәselelerge kelgende naqty úsynys emes, sol úrandatylghan, populizmge jaqyndau sózder aityldy. Sondyqtan biz osyghan jaqsylap kónil audaruymyz kerek siyaqty»,-dedi Asqar Myrzahmetov.

«Atalghan komissiya sayasy alangha ainaldyru ýshin qúrylmaghandyghyn» jәne bir mәrte eskertken Auylsharuashylyq ministri, viyse-premier Asqar Isabekúly Jerdi satu jәne sheteldikterge jalgha beru turaly ekiúshty pikir bildirdi.

«Jalpy biz aitamyz, «satylmasyn, satylmasyn», dep. Al nege satylmasyn? Sizder aittynyzdar ghoy, satu men jaldyng aiyrmasy qanday dep. Ayyrmasy – satylghannan keyin onyng egesi bolady. Ózderinizge ózderiniz qarsy argument aityp otyrsyzdar. Jerdi satqan kezde – sybaylas jemqorlyq bolady dep. Al endi ony jalgha bergende janaghy sybaylas jemqorlyq bolmay ma?! Ol boluy mýmkin ghoy. Biz ekeuining aiyrmasyn kórip otyrmyz. Myndaghy tauar óndirushiler de aityp otyr. Ony da eskeruimiz kerek. Shyn mәninde janaghy ekinshi dengeyli bankter jalgha alyp otyrghan jerge nesie beru ýshin kepildik súraydy. Ekeuining aiyrmasy jer men kóktey. Al endi ol jerding egesi bolmaytyn bolsa, biz ol jerlerge qay jaqtan qarjy tartamyz? Qay jaqtan investisiya tartamyz? Sybaylas jemqorlyq dep qaldynyzdar. Janaghy sharua qojalyghynyng iyesi ol jerge aqsha saludan qashuy da mýmkin. «Nesine men ol jerge aqsha saluym kerek, eger ol jerdi 1-2 jyldan song sheneunikter tartyp alatyn bolsa», deui de mýmkin ghoy. Sondyqtan múnday mәseleler bar, biz ony eskeruimiz kerek»,-deydi Asqar Isabekúly.

Týiin: Asqar Isabekúly óz isining kәsiby sheberi ekenin OQO-ny basqarghan kezinde, Bas partiyada basshylyq qyzmette jýrgeninde dәleldegeni ras. Auylsharuashylyghynyng mamanyna Preziydent QR Auylsharuashylyghy ministrligin basqarudy tapsyrghanda júrt Asqar myrzadan qoghamdaghy óte nәzik taqyrypqa ainalghan «Jerdi satu men ony sheteldikterge jalgha beru» mәselesinde kóp ýmit artqan. Arnayy qúrylghan komissiyanyng tizginin nyq ústaghanda da halyq «halyqshyl» ministr Jerdi latifundister men shetten keletin shýregeylerden qorghap qalady dep sendi. Áuelde 75 mýsheden qúralghan, keyin belgili, belgisiz sebeptermen qatary siyregen komissiyanyng altynshy otyrysynda Asqar Myrzahmetov myrza «Jer nege satulmauy kerek» dep shyqqanda dýiim júrttyng senimi seldey aqqany da jasyryn emes. Sonymen, Myrzahmetov myrzanyng «Jer mәselesinde»ústanymy qanday? Ministr myrza jogharydaghy sózimen neni menzep otyr?

Núrgeldi Ábdighaniyúly

Abai.kz