Saryarqanyng tósinde sary qymyz sapyryp, babadan kele jatqan ata kәsipti jandandyrghan «Saghyp» sharua qojalyghyn ónir túrghyndary ghana emes, kórshiles elderding tútynushylary da jaqsy biledi. Dertke - shipa, jangha - quat últtyq susyn -  qymyz óndirisin órkendetu jolynda ter tógip jýrgen «saghyptyqtardyn» tasy búl kýnde órge domalap túr.

Sharua qojalyghynyng basshysy Tóleu Qúshmanovanyng aituynsha, ata kәsipti jandandyru turaly iydeya toqsanynshy jyldary oigha kelgen. Oilaghan dýniyesin sonyna deyin tyndyrmay tynshymaytyn ol alghashynda ýsh bie baylaydy. Qymyzdy Pavlodar qalasynda satady.  Búdan keyin bie sanyn arttyryp, qymyz óndirisin myqtap qolgha aldy. Adal iste bereke bolatynyn týsinip ósken Tóleu Kókeshqyzy kәsibin zaman talabyna say damytudy kózdeydi. Sóitip, Pavlodar qalasynyng manynan jer telimin satyp aldy.  Shóp basqan alanda keshikpey qúrylys júmystary bastalady.  Býginde búl jerde bie sauatyn qora-jay, mal bordaqylaytyn oryn jәne qymyzdy saqtap, ony shyny shólmekterge qúyatyn arnayy qúral-jabdyqtar ornalasqan seh bar. Múndaghy júmysshylar da óz isin yjdahattylyqpen atqarady.

Sharuashylyqtaghy Qambar ata túqymynyng sany 400-ten asqan.  Búdan bólek, jýzden asa iri qara bar.

- Sharuashylyqty qúrghanda mende bir ghana arman boldy. Ol – qazaqtyng qymyzyn tórimizge shygharyp, әlemge tanytu.  Memleket qoldauymen osy armanyma birtindep qol jetkizip kelemin.  Býginde qymyzdy nemister de óndirude. Biraq, biz olardyng aldyna týsuimiz kerek. Qazaqtyng sary qymyzyn Europagha әigileu kerek, - deydi T.Qúshmanova.

Osylaysha, osydan on shaqty jyl búryn nebary ýsh bie saughan Tóleu Kókeshqyzy býginde iri kәsiporynnyng iyesi. Tәuligine 1 tonnagha juyq qymyz óndiredi.

- Oblystyq kәsipkerler palatasy ókilderining kómegimen «Biznesting jol kartasy - 2020» memlekettik baghdarlamasy boyynsha nesie alyp, kәsibimizding ayasyn keneyttik. Otandyq qana emes, kórshiles elderding de naryghyna jol ashyldy. Palata qyzmetkerleri әrdayym qoldau men kómek kórsetip, isimizding algha basuyna qol úshyn sozyp keledi,-deydi sharua qojalyghynyng basshysy.

Shynymen, býgingi kýni «Saghyptyn» ónimderi shekaranyng arghy jaghyndaghy tútynushylardyng da joghary baghasyn alyp ýlgerdi.  Pavlodarlyq kәsiporynnyng qymyzy men qúrty Resey jәne Qytay memleketterindegi sauda oryndarynda satylymgha shygharyldy. Tipti, Resey astanasy Mәskeu qalasynda «Saghyp» sharua qojalyghynyng bastamasymen «Bauyrsaq» dýkeni ashylghan bolatyn.  Múnda qymyzdan bólek, últtyq taghamdarymyz satylady.

Sonymen qatar, Birikken Arab Ámirlikterinen bir tonna qymyz jetkizuge tapsyrys aldy.  Osylaysha, qazaqtyng últtyq susyny alys jәne jaqyn shetelderdi baghyndyruda. Byltyr qojalyq Italiyanyng Milan qalasynda ótken EHRO-2015 kórmesine qatysyp, ónimdi әlem júrtshylyghynyng nazaryna úsynyp edi.

On jyldan astam uaqytta «Saghyptyn» baghyndyrghan belesteri búl ghana emes. Osy uaqytqa deyin sharuashylyq Astana qalasynda ótken «Qaraótkel» kórmesining altyn medali iyegeri,  Yakutiyadaghy «Qymyz  qúdaylar susyny» halyqaralyq bayqauynyng jenimpazy atanyp, 2013 jyly «Qazaqstannyng eng ýzdik tauary» bayqauynda ýshinshi oryndy enshilegen. Mәrtebesi biyik, bәsekelester salmaqty «Altyn sapa» respublikalyq bayqauynda da jýldeger boldy.

Osylaysha, zamanauy qúraldar kómegimen, әlemdik talaptargha say qymyz óndiretin «Saghyp» sharua qojalyghy biyik shyndardy baghyndyryp keledi.

Aldaghy uaqytta da tynymsyz әri adal enbek jemisin berip, qazaqtyng qymyzyna әlemdik súranys artady degen ýmit zor.

Qúndyz QABYLDENOVA

Abai.kz