Senbi, 19 Qazan 2019
Käsip-tübi näsip 2569 0 pikir 20 Qırküyek, 2016 sağat 14:39

KÄSİPKERLER EKSPO-DAN PAYDA TABA ALA MA?

«Astana EKSPO-2017» wlttıq kompaniyasında qazaqstandıq kompaniyalardıñ tizilimi jasaluda. Tizilimge engizilgen kompaniyalar «EKSPO-2017» halıqaralıq körmesine qatısuşı elderge wsınıladı.

«Negizinde körmege qatısuşı memleketter büginniñ özinde birqatar mäseleler boyınşa ötiniş bildirip kele bastadı.  Olarğa bizdiñ elimizdiñ aumağındağı türli salalar boyınşa qoldau qajet boladı, negizinen Astana qalası boyınşa. Sol sebepti bwrın körme ötkizgen elderdiñ täjiribesine süyene otırıp, türli qızmet salasındağı kompaniyalardıñ tizilimin jasaudamız», – dedi Ortalıq kommunikaciyalar qızmetinde ötken brifing barısında «Astana EKSPO-2017» WK» AQ basqarma törağasınıñ birinşi orınbasarı Erbol Şormanov. 

Bwl tizimde qwrılıs sektorınıñ ökilderi basım, sonday-aq, dizaynerlik kompaniyalar, şet tilderinen tärjimalau qızmetin wsınatın firmalar, meyramhanalar men qonaq üyler bar.

 «Qazir bwl tizilimde 42 otandıq kompaniya bar. Barlıq derlik kompaniyalar şağın jäne orta biznes ökilderi. EKSPO-ğa qatısuşı barlıq elder ökilderi olardıñ qızmetine jüginip, qanday da bir jwmıs türin orındau üşin jalday aladı», – deydi E.Şormanov.

Sonımen qatar tizilimge «bedeline nwqsan kelmegen, eşqanday salıqtıq qarızı joq, tüsiniksiz oqiğalarğa tap bolmağan» kompaniyalar engiziledi.

İrikteu «Recommended by EXPO-2017» bağdarlamasınıñ şeñberinde jürgiziledi. İrikteuge qatısuşılarğa «Recommended by EXPO-2017» belgisi turalı kuälik pen Astana qalasınıñ seriktesi degen däreje beriledi.

E.Şormanov EKSPO-2017 ötkiziletin künderde körmege qatısuşılar men qonaqtarğa qızmet körsetuden qazaqstandıq şağın jäne orta biznes ökilderi taba alatın payda mölşeri turalı swraqqa:  «Qazir ol turalı birdeñe deu qiın, biz onı qatısuşı memleketter atalğan qızmet türlerin paydalanatındığı turalı resmi türde saualnama joldağannan keyin anıqtaymız», – dep jauap berdi Erbol Şormanov.

 «EKSPO-2017» körmesine qatısuşılar merdigerlerdi öz betterinşe izdestirumen qatar, özderiniñ wlttıq kompaniyalarınıñ ökilderin Astanağa äkeluge tolıq qwqılı.  «Alayda, ol kezde licenziyağa baylanıstı birqatar mäsele tuındaydı, mäselen, bizdiñ aumağımızda qwrılıs kompaniyalarına licenziya beruge qatıstı. Öytkeni oğan  baylanıstı özimizdiñ zañnamalıq bazamız bar», – dedi «Astana EKSPO-2017» WK» AQ basqarma törağasınıñ birinşi orınbasarı.

«Kompaniyalardıñ tizilimin köptegen elderdiñ Qazaqstanğa alğaş ret keletindigin, birinşi ret körmege qatısatındığın eskere otırıp jasaudamız», – dep atap ötti E. Şormanov.

Onıñ aytuınşa, maqwldanğan merdigerlerdiñ tizilimi jaqında wlttıq kompaniyanıñ saytında jariyalanadı.

Ayta keterligi, Astanada «EKSPO-2017» körmesine qatısuşı memleketterdi tartu boyınşa jospardıñ orındalğanı habarlandı. Jüzinşi memleket bolıp Oñtüstik Afrika Respublikası tirkeldi.  EKSPO-ğa qatısu turalı kelissözder 2016 jıldıñ soñına deyin jalğasadı.

Janar Serdalina

Abai.kz

0 pikir