سەنبى, 21 قىركۇيەك 2019
كاسىپ-ءتۇبى ءناسىپ 2545 0 پىكىر 20 قىركۇيەك, 2016 ساعات 14:39

كاسىپكەرلەر ەكسپو-دان پايدا تابا الا ما؟

«استانا ەكسپو-2017» ۇلتتىق كومپانياسىندا قازاقستاندىق كومپانيالاردىڭ ءتىزىلىمى جاسالۋدا. تىزىلىمگە ەنگىزىلگەن كومپانيالار «ەكسپو-2017» حالىقارالىق كورمەسىنە قاتىسۋشى ەلدەرگە ۇسىنىلادى.

«نەگىزىندە كورمەگە قاتىسۋشى مەملەكەتتەر بۇگىننىڭ وزىندە بىرقاتار ماسەلەلەر بويىنشا ءوتىنىش ءبىلدىرىپ كەلە باستادى.  ولارعا ءبىزدىڭ ەلىمىزدىڭ اۋماعىنداعى ءتۇرلى سالالار بويىنشا قولداۋ قاجەت بولادى، نەگىزىنەن استانا قالاسى بويىنشا. سول سەبەپتى بۇرىن كورمە وتكىزگەن ەلدەردىڭ تاجىريبەسىنە سۇيەنە وتىرىپ، ءتۇرلى قىزمەت سالاسىنداعى كومپانيالاردىڭ ءتىزىلىمىن جاساۋدامىز»، – دەدى ورتالىق كوممۋنيكاتسيالار قىزمەتىندە وتكەن بريفينگ بارىسىندا «استانا ەكسپو-2017» ۇك» اق باسقارما توراعاسىنىڭ ءبىرىنشى ورىنباسارى ەربول شورمانوۆ. 

بۇل تىزىمدە قۇرىلىس سەكتورىنىڭ وكىلدەرى باسىم، سونداي-اق، ديزاينەرلىك كومپانيالار، شەت تىلدەرىنەن ءتارجىمالاۋ قىزمەتىن ۇسىناتىن فيرمالار، مەيرامحانالار مەن قوناق ۇيلەر بار.

 «قازىر بۇل تىزىلىمدە 42 وتاندىق كومپانيا بار. بارلىق دەرلىك كومپانيالار شاعىن جانە ورتا بيزنەس وكىلدەرى. ەكسپو-عا قاتىسۋشى بارلىق ەلدەر وكىلدەرى ولاردىڭ قىزمەتىنە جۇگىنىپ، قانداي دا ءبىر جۇمىس ءتۇرىن ورىنداۋ ءۇشىن جالداي الادى»، – دەيدى ە.شورمانوۆ.

سونىمەن قاتار تىزىلىمگە «بەدەلىنە نۇقسان كەلمەگەن، ەشقانداي سالىقتىق قارىزى جوق، تۇسىنىكسىز وقيعالارعا تاپ بولماعان» كومپانيالار ەنگىزىلەدى.

ىرىكتەۋ «Recommended by EXPO-2017» باعدارلاماسىنىڭ شەڭبەرىندە جۇرگىزىلەدى. ىرىكتەۋگە قاتىسۋشىلارعا «Recommended by EXPO-2017» بەلگىسى تۋرالى كۋالىك پەن استانا قالاسىنىڭ سەرىكتەسى دەگەن دارەجە بەرىلەدى.

ە.شورمانوۆ ەكسپو-2017 وتكىزىلەتىن كۇندەردە كورمەگە قاتىسۋشىلار مەن قوناقتارعا قىزمەت كورسەتۋدەن قازاقستاندىق شاعىن جانە ورتا بيزنەس وكىلدەرى تابا الاتىن پايدا مولشەرى تۋرالى سۇراققا:  «قازىر ول تۋرالى بىردەڭە دەۋ قيىن، ءبىز ونى قاتىسۋشى مەملەكەتتەر اتالعان قىزمەت تۇرلەرىن پايدالاناتىندىعى تۋرالى رەسمي تۇردە ساۋالناما جولداعاننان كەيىن انىقتايمىز»، – دەپ جاۋاپ بەردى ەربول شورمانوۆ.

 «ەكسپو-2017» كورمەسىنە قاتىسۋشىلار مەردىگەرلەردى ءوز بەتتەرىنشە ىزدەستىرۋمەن قاتار، وزدەرىنىڭ ۇلتتىق كومپانيالارىنىڭ وكىلدەرىن استاناعا اكەلۋگە تولىق قۇقىلى.  «الايدا، ول كەزدە ليتسەنزياعا بايلانىستى بىرقاتار ماسەلە تۋىندايدى، ماسەلەن، ءبىزدىڭ اۋماعىمىزدا قۇرىلىس كومپانيالارىنا ليتسەنزيا بەرۋگە قاتىستى. ويتكەنى وعان  بايلانىستى ءوزىمىزدىڭ زاڭنامالىق بازامىز بار»، – دەدى «استانا ەكسپو-2017» ۇك» اق باسقارما توراعاسىنىڭ ءبىرىنشى ورىنباسارى.

«كومپانيالاردىڭ ءتىزىلىمىن كوپتەگەن ەلدەردىڭ قازاقستانعا العاش رەت كەلەتىندىگىن، ءبىرىنشى رەت كورمەگە قاتىساتىندىعىن ەسكەرە وتىرىپ جاساۋدامىز»، – دەپ اتاپ ءوتتى ە. شورمانوۆ.

ونىڭ ايتۋىنشا، ماقۇلدانعان مەردىگەرلەردىڭ ءتىزىلىمى جاقىندا ۇلتتىق كومپانيانىڭ سايتىندا جاريالانادى.

ايتا كەتەرلىگى، استانادا «ەكسپو-2017» كورمەسىنە قاتىسۋشى مەملەكەتتەردى تارتۋ بويىنشا جوسپاردىڭ ورىندالعانى حابارلاندى. ءجۇزىنشى مەملەكەت بولىپ وڭتۇستىك افريكا رەسپۋبليكاسى تىركەلدى.  ەكسپو-عا قاتىسۋ تۋرالى كەلىسسوزدەر 2016 جىلدىڭ سوڭىنا دەيىن جالعاسادى.

جانار سەردالينا

Abai.kz

0 پىكىر