nemese Raqymjan Otarbaevtyng bes qatelikke úrynghan yzagha toly pafosy

Súqbat berushi avtordyng ondy-soldy siltegen auyr shoqparynan qazaq әdebiyetining shanyraghy shayqalyp ketkendey eken. 

Syilaytyn agham edi, nege qazaqtyng ústazy, adamzattyng danyshpany Abaygha til tiygizdi dep oiladym. Abaydy әlem oqyrmany óte jaqsy qabyldady. Oghan dәlel kóp.

Al “Abay joly” – tarih sahnasynan ketip bara jatqan, at ýstinen týspegen, jalyn tartyp mingen jylqynyng qadirine jetken, kóshpeli ómirding songhy dәuirin jantalaspen bastan keshken, Batys tehnikamen arpalysyp jatqanda, ru tartysymen әlek, ýnemi kóship-qonghan, jantalasa múratyna qol sozghan nomadtardyng biri – kóshpeli qazaqtyng oi-armanyn, túrmys-tirshiligin, metafizikalyq-filosofiyalyq dýniyetanymyn, oi-sanasyn meylinshe anyq әri ghajap beynelegen, eshqashan qúny da joghalmaytyn, qadiri de ketpeytin qaytalanbas shygharma.

Múqtar Maghauin desek, kóz aldymyzgha aibyndy Qazaq Ordasy elesteydi.

Úlan-baytaq saqarada ýdere kóship-qonyp jýrip úly Qazaq Ordasyn qúrghan alashtyng alyp handary el ýshin beynet keshti.

Jaudan jaghasy bosamady. Beybit ómir ýshin alysty. Júlysty. Oiy ongha, sanasy sangha bólindi. Abay jaryqtyq aitqanday, aqyl altau, oy jeteu boldy.

Mamyrajay shaq ornasa, el alansyz sharuashylyq jýrgizip, júrt qala salyp, ýy túrghyzar edi. Enbekting jemisin, beynetting zeynetin tatar edi.

Alyptar attan týsken joq, ayaghy ýzengide ketti. Jaqsylyqqa izdendi. Jaryqqa úmtyldy.
Handar basqarghan sherik, qolbasshylar bastaghan tas týiin әsker qalyng búqarany sonynan ertip, oqshau qonyp otyrghan әrbir auyldy shepke ainaldyryp, jan-jaqtan antalap at qoyyp shapqan, andyzdap jauar búlttay qaptaghan jaugha maydan ashyp, dúshpangha layyqty toytarys berip, shapqynshylardy, basqynshylardy tughan jerden týre quyp otyrdy.

Sóitip, alyptar Handyq dәuirde mekenimizdi Otangha ainaldyrdy. Biz Otanymyzgha shekarasy tolyq aiqyndalghan zamanauy memlekettik sipat berip, qasterli tәuelsizdikke qol jetkizdik.
Handyq dәuirding kýrdeli obrazyn Múqtar Maghauin jasady. 

Asqargha baylanysty, tipti, qiyanat aitqan eken. Asqar – prozanyng tabighatyn ashty. Prozany әleumettik taqyryptardan abstraksiyalyq aqyndyq prozagha qaray sýiredi. Esikten – tórge...
Raqymjan agham keshirimi qiyn auyr sózder aitqan eken. Abaydy dәl búlay ayaqasty etu jaudyng da qolynan kelmeytin siyaqty. Abay – qashanda zamandas túlgha, pikir talastyr, kelispe, kemshin tústaryn kórset, Abay, bәribir, sonysymen úly. Biraq, oghan til tiygizu... 

Biz qashanda ataghynan at ýrketin agha tolqyn aqyn-jazushylardan saliqaly, sabyrly, ziyaly súqbat kýtemiz. Óner-әdebiyetting bir kórinisi de sol – parasattylyq, әdildik jәne býginde el úmytyp bara jatqan úyandyq, bolmasa ziyaly qarapayymdylyq.

Qúrmetpen Didar AMANTAY

BES QATELIK

1) “Men sizge bir qyzyq aitayyn, «Abay joly» romanyn endigi uaqytta jýz jerden jarnamalap, myng jerden tyqpalasang da bәribir oqylmaydy. Bay-shonjardyng balasynyng әr jerge baryp kenes qylyp, jiyn-toy ótkizgeni kimge kerek”?

2) “Keybir jiyndarda «qazaqtyng aishyqty, kórkem tili menimen birge óledi» degendi aityp qalyp jýrmin. Sóz - tiri qúbylys. Ana tilimizding akademiyalyq dәrejesining astarynda qalyng oi, súnghyla sujetting san týrin taba beruge bolady. Biraq, qalamger ýshin әlem qajet dep tabatyn bir auyz sóz aitu qiyn. Qazaqtyng men degen jazushylary: Ábish Kekilbaev, Oralhan Bókey, Tәken Álimqúlovtardyng ózi búnday dәrejege jetken joq. Olar bar bolghany orys pen europa әdebiyetining sәtsiz surrogattary”.

3) “Sening qanday derekterge sýienip otyrghanyndy bilmeymin, biraq men Maghauindi klassik jazushylardyng qataryna jatqyzbaymyn. Ol nashar jazushy, jaman adam. Túla boyy tolghan kek, bitpeytin yza, tarqamaytyn ashu. Shygharmalarynan da sony bayqadym. Eshqanday suretkerlik joq. Óziniz oilap qaranyzshy, bas ayaghy joq synyq sóilemmen kórkem shygharma jazugha bola ma”?

4) “Degenmen, onyng tabandy enbegi men ghalymdyghyn moyyndaymyn. Tek, jyraular poeziyasyn ghalym Hanghaly Sýiinshәliyevting enbeginen úrlap, óz atyna menshiktep jariyalaghanyn aita keteyin. Ony men kez-kelgen jerde dәleldep bere alamyn”.

5) “Ótejan jaqsy aqyn. Bastapqy ólenderi әdeby ortagha jaghymdy әser etti. Biraq ol ómirining sonynda Eynshteyn siyaqty bas auruymen auyrdy. Mening minezim qanshalyqty qynyr bolghanymen onyng keyingi ólenderin qabylday almadym. Asqar Sýleymenov jazushy emes. Onyng «Aq kempiri» men «Qara shalynan» basqa jóni týzu kórkem shygharmasy joq. Ol bar bolghany ózining erkindigin ghana qorghaghan adam. Biraq, әlemdik dengeydegi etnograf, ghalym edi. Bilmeytin dýniyesi joq. Degenmen, ekeui de ózderi aitqanday klassikalyq tuyndy qaldyrghan joq. Ádebiyetti tek qana hobby retinde qarastyratyn birqatar jazushylar boldy”.

Abai.kz