Qyzylordada eksportqa shygharylatyn kýrishting jana týrleri synaqtan ótkizilip jatyr.

Qyzylorda oblysynda kýrish alqaptarynyn ónimdiligi ósip keledi. «Eger 1991 jylmen salystyratyn bolsaq, ónimdilik 12%-gha kóbeydi. Al eger songhy ýsh jyldy alatyn bolsaq, jalpy kýrish óndirisi ýsh esege artty. Biz jyl sayyn 400 myn tonna kýrish óndirip kelemiz», – deydi oblystyq auyl sharuashylyghy basqarmasynyng basshysy Baqyt Jaqanov. Ol múnyn tek ishki naryqtyn qajettiligin tolyq ótep qana qoymay, kýrishti eksporttaugha da mýmkindik beretinin atap ótti. 

Baqyt Jaqanovtyn mәlimetinshe, býginde qyzylordalyq kýrish Ázirbayjan, Týrkimenstan, Armeniya, Tәjikstan, Aughanstan syndy elderge eksporttalady. «Búl elderge biz eksporttaudy әuel bastan jýrgizip kelemiz. Reseyge de az mólsherde tasymaldaymyz. Keyde Europagha da eksporttaymyz», – dedi Basqarma basshysy. 

Ol súhbat barysynda qyzylordalyq kýrishtin basty bәsekelesi retinde reseylik әriptesterin atady. Óitkeni bizdin jәne reseylik kýrishtin genetikasy birdey. «Biz Qytaymen de, joghary sapaly kýrish óndiretin Ózbekstanmen de bәsekelespeymiz. Ár elding taghamgha degen talghamy әrtýrli. Mysaly ýshin, irandyqtar bizdin kýrishimizdi jemeydi. Olar kýrishti mýldem bólek taghamdar jasaugha paydalanady. Olar dәstýrli qyzylordalyq kýrishti, postkenestik elder sýisinip jeytin kýrish botqasyn da jemeydi», – dep atap ótti Baqyt Jaqanov. 

Basqarma basshysy: «Olardyn jaqsy kórip jeytin ónimin, olar quana qabyldaytyn ónim súryptaryn úsynuymyz kerek», – dep esepteydi. 

«Sol sebepti biz qazir sol elderde súranysqa iye súryptardy óndiruge bel buyp otyrmyz. Biz ol kezde bәsekeleske emes, tabysty kәsiporyngha aynalamyz», – dedi Baqyt Jaqanov. 

Qazir Qyzylorda oblysynyn kýrish óndirushileri kýrishtin irandyq súrpyn synaqtan ótkizip jatyr. «Biz osy kýrish týrinin bizdin elimizde qalay ósetinin kórgimiz keledi. Eger ol jersinetin bolsa, biz Irangha ózderi jaqsy kóretin kýrish týrin sata alamyz»,– dep týsindirdi Baqyt Jaqanov.

Abai.kz