Rio-de-Janeyroda ótken XXI jazghy Olimpiada oiyndaryna Qazaqstan atynan 104 sportshy qatysqan bolatyn. Onyng ishinde 17-si jýldeli oryndargha ie boldy. Endi Qazaqstan Respublikasynyng zanyna sәikes sportshylargha memleket tarapynan syiaqy bólinedi.

Qazaqstan Olimpiada oiyndarynda altyn medali alghan sportshygha 250 myng dollar, kýmiske – 150 myng dollar, qola medali alghan sportshygha – 75 myng dollar syiaqy taghayyndaghan. Sonday-aq jýldege ilikpese de alghashqy bestikke engen sportshylar bar. Olargha da syiaqy beriledi.

Jýldege ilikpese de, memleket tarapynan qarjylay syiaqy alatyn sportshylar:

Boks

Birjan Jaqypov – 5-shi oryn (10 myng dollar)

Jayna Shekerbekova – 5-shi oryn (10 myng dollar)

Jәnibek Álimhanúly – 5-shi oryn (10 myng dollar)
Kýres

Ghalymjan Óserbaev – 5-shi oryn (10 myng dollar)

Júldyz Eshimova – 5-shi oryn (10 myng dollar)

Almat Kebispaev – 5-shi oryn (10 myng dollar)
Auyr atletika

Margarita Eliyseeva – 5-shi oryn (10 myng dollar)

Arly Chontey – 4-shi oryn (30 myng dollar)

Denis Ulanov – 4-shi oryn (30 myng dollar).

Ayta keteyik, Qazaqstan Respublikasynyng 2014 jylghy 3 shildedegi № 228-V QR zanyna sәikes Olimpiada chempiondary men jýldegerlerine qarjylay syiaqydan bólek, jergilikti әkimdik tarapynan pәter beriledi. Tiyisinshe, chempiongha ýsh bólmeli pәter, kýmis medaligha eki bólmeli, qola jýlde alghan sportshygha bir bólmeli pәter beriledi.

Rio olimpiadasynda Qazaqstan qúramasy sapynan myna sportshylar jýldege qol jetkizdi: 77 kelige deyingi salmaqta syngha týsken auyr atletNidjat Rahimov (96 keli), 200 metrge brass әdisimen jýzudeDmitriy Balandiyn jәne 69 keli salmaqta syngha týsken boksshy Daniyar Eleusinov olimpiada oiyndarynyng chempiony (69 keli) atandy. Búl sportshylardyng barlyghy olimpiada oiyndaryndaghy túnghysh jýldelerin iyelenip otyr. Daniyar Eleusinov 64 keli salmaqta London olimpiadasyna qatysyp, jenilip qalghan edi.

Al 60 keli salmaqta dzudoshy Eldos Smetov (60 keli), boksshy Vasiliy Leviyt (91 keli) pen Ádilbek Niyazymbetov (81 keli), erkin kýres sheberiGuzeli Manurova (75 keli) jәne auyr atlet (69 keli) Jazira Japparqúl olimpiada oiyndarynyng kýmis jýldegeri atandy. Kýmis jýldegerlerding arasynda Ádilbek Niyazymbetov pen Guzeli Manurova eki olimpiada qatarynan túraqty týrde jýlde alyp otyr. Boksshy Ádilbek London olimpiadasynda (2012) dәl osy salmaqta kýmis iyelense, Guzeli Manurova tórt jyl búryn qola enshilegen. Al Jazira Japparqúl búghan deyin tek 2010 jyly jasóspirimder olimpiadasynda ghana top jarghan.

El qorjynyna qola jýldeni auyr atletter Korina Goricheva (63 keli),Farhad Harkiy (62 keli), Aleksandr Zaychikov (105 keli) jәne erkin kýres sheberi Elimira Syzdyqova (69 keli), Ekaterina Larionova (63 keli) dzudoshy Otgonseseg Galbadrah (48 keli) jәne jenil atlet Oliga Rypakovalar saldy. Búl sportshylardyng arasynda Oliga Rypakova Qazaqstan tarihynda jenil atletikadan eki olimpiadada qatarynan jýlde alghan alghashqy sportshy atandy. Sonday-aq, búl qatarda 20 tamyz kýni qola jýlde alghan boksshy Ivan Dychko (91 keli) men әielder arasyndaghy boks bәsekesinde oza shapqan Darigha Shәkimova da (75 keli) bar. Darigha Shәkimova qazaq qyzdarynyng arasynan alghash bokstan olimpiada oiyndarynyng jýldegeri atandy. Ivan Dychko búghan deyin London olimpiadasynda da osy salmaqta qola jenip alghan edi.

Búl Qazaqstan tәuelsiz memleket retinde qatysqan 6-shy jazghy olimpiada oiyndary. Qazaqstan 1996 jylghy Atlanta olimpiadasynan beri túraqty týrde jahannyng basty sporttyq oiyndaryna qatysyp kele jatyr.

Derekkózi: Stan.kz