Rio olimpiadasynda grek-rim kýresinen Ózbekstangha qola әpergen 24 jastaghy etnikalyq qazaq baluany Elmúrat Tasmúratov «birneshe jyl búryn Qazaqstan qúramasyna ene almaghanyn» aitady.

Grek-rim kýresinen 59 kilogramm salmaq dәrejesi boyynsha kýresken 25 jastaghy Elmúrat Tasmúratov alghashqy eki qarsylasyn onay jendi. Áueli 2007 jylghy әlem chempionatynyng qola jýldegeri serbiyalyq Kristian Fristi 7:2, 2013 jylghy әlem chempiony soltýstikkoreyalyq baluan Yuni Von Chholidy 7:0 esebimen útty. Al jartylay finalda 2015 jylghy әlem chempiony kubalyq Ismaeli Borrerodan jenilip qaldy. Borrero Rioda altyn aldy. Tasmúratov qolagha talasta qyrghyzstandyq Arsen Eraliyevten basym týsti.

- Qola alghanyma óte quanyshtymyn. Jospar boyynsha birinshi oryn aluym kerek edi. Olimpiada - óte qiyn jarys. Olimpiada aldynda tanystaryng “ jenu kereksin” dep ketedi. endi bireuler “sen myqtysyn” dep ketedi. Jankýier altyn kýtip otyrady. Ózime tym senip qaldym-au, - dep bastady әngimesin baluan.

Grek-rim kýresinen búl salmaq dәrejesinde Qazaqstan atynan Rio olimpiadasyna 29 jastaghy Almat Kebispaev qatysty. Ol alghashqy qarsylasy reseylik Ibragim Labazanovty jengenimen, ekinshi kezdesude japoniyalyq Shinoby Otadan jenilip qaldy. Kebispaevty jengen Ota finalgha shyghyp, ereje boyynsha Qazaqstan baluany qolagha talasugha mýmkindik aldy. Ol alghashqy kezdesude London olimpidasynyng chempiony irandyq Hamid Souriannan 0:7 esebimen jenilip jatyp, songhy minutta taza jeniske jetti. Biraq kelesi kezdesude daniyalyq Stig Andre Vergeden jenilip, jýldesiz qaldy.

- Almatpen alghashqy kezenderde kezdeskim kelmedi. Jerebe tartylyp, ekeumiz eki jaqqa týskende ishtey quandym. Ol qola alyp ekeumiz túghyrda qatar túrghanda keremet bolar edi. Riogha kelerde týs kórdim. Týsimde tu kóterip, kilemdi ainala jýgirip jýr ekenmin. Altyn medali bolar dep joryp edim, sәl jetpey qaldy. Biraq týsim shyn bop shyqty. Eger olimpiadada qolagha talasta jenilip qalsam ózimdi keshirmes edim, - deydi baluan.

«QAZAQSTANDA MÝMKINDIK BERMEDI»

Elmúrat Tasmúratov Ózbekstannyng Tashkent oblysy Bostandyq audanynda tughan. Jastayynan kýres seksiyasyna qatysqan. 8-cynyp bitirgen song (2000-jyldardyng ortasy) ata-anasy ony tarihy otany - Qazaqstangha jiberedi. Ol Týrkistandaghy sport mektep-internatynda oqidy. Týrkistan qalasy atynan Qazaqstandaghy jasóspirimder arasyndaghy jarystargha qatysqan.

Qazaqstanda jýrgende biraz jarystarda jendim. Biraq meni qysyp tastady. Jattyghu jiyndaryna shaqyrmady. Esh mýmkindik bolmady.

Elmúrat Tasmúratov.

- Qazaqstanda jýrgende biraz jarystarda jendim. Biraq meni qysyp tastady. Jattyghu jiyndaryna shaqyrmady. Esh mýmkindik bolmady. Jastar arasyndaghy Qazaqstan chempionatyna qatysyp, jenilip qaldym. Sol jenilisten keyin jattyghu jiyndaryna shaqyrmaytynyn týsindim de Ózbekstangha oraldym, - deydi ol.

Ózbekstan ýkimeti Elmúratqa olimpiadada qola jýlde alghany ýshin 75 myng dollar beredi. Sportshy keleshekte 66 kilogramm salmaq dәrejesine auysyp, Tokio olimpiadasyna qatysudy josparlaydy.

- Ózbekstanda maghan barlyq jaghday jasalghan. Ata-anam da sonda. Jattyghuymdy uaqtyly jasap túramyn. Qúramamen birge oqu-jattyghulargha shyghamyn. Bastysy, jankýierlerimning senimin aqtadym, - dedi jýldeger.

Tasmúratov olimpiadagha deyin Ózbekstan qúramasy sapynda Aziya chempionatynda - ýsh altyn, әlem chempionatynda eki ret qola medali alghan. Ózbekstan qúramasy Rio olimpiadasy qorytyndysy boyynsha, tórt altyn, eki kýmis, jeti qola jýldemen Qazaqstannan bir saty joghary - 21-oryn aldy.

Derekkózi: azattyq.org

Abai.kz