Qazaqstan Ýkimetining eng «tәjirbiyeli» tizginshisi Kәrim Qajymqanúlynyng әleumettik jelilerge tirkelip, ózining kýndelikti ómirinen esep berip jýrgeni belgili. Mine, jaqynda «Tvitterdegi» paraqshasynda premier-ministr  Resey premieri Dmitriy Medvedevpen kezdesetinin aitty. QR Ýkimet basshysy dәl osy kezdesude Kenesary han men Keyki batyrdyng bas sýiekterin qaytaru mәselesin de sóz etpek kórinedi. 

«D.A.Medvedevpen kezdesude Kenesary han men Keyki batyrdyng bastaryn qaytaru mәselesin kóterudi josparlap otyrmyn»,-dep jazady ol.

Reseyding Sank-Peterbor múrajayynda saqtauly túrghan Keyki batyr men qazaqtyng songhy hany Kenesarynyng basyn tughan elge qaytaru mәselesi tarihshylar arasynda san mәrte kóterilgenimen, jogharghy lauazymdy sheneunikter jaghynan pәrmendi qimyl bayqalmaghan edi.

QR Parlamentining senatory Serik Aqylbay ghana bir ret deputattyq saual joldaghany bolmasa, basqalary bylq etpegen.

Biyl Últ-azattyq kóteriliske – 100 jyl tolady. Osy rette, Kenesary han men Keyki batyrdyng bas sýiegin elge qaytaryp, tughan jerine jerleu mәselesin Ýkimet shyndap qolgha alsa iygi edi-au...

Búghan deyin atalghan mәselege El Ýkimeti jýrdim-bardym qarap kelgen bolatyn. Endi, mine, Ýkimet basshysy Kәrim Mәsimovting ózi aitqanday, naqty is-sharalardy jasay ma? Álde búl joly da «jospar» kýiinde qala ma? Ras, premier myrzany eshkim mәjbýrlep, auzyna sóz sap bergen joq. Ózi aitty, ózi jazdy. Endi biz premier-ministrding RF saparynan son, dәl osy mәsele tónireginde keninen әngime órbitetin bolamyz.

Babamyzdyng basyn qaytaru ýshin bizding premier ne istey alar eken?

Núrgeldi Ábdighaniyúly

Abai.kz