Keshe, 10 qarasha Alashtyng Álihanynyng әruaghy bir aunap týsken kýn boldy. Tór qalamyz - Astananyng tórindegi Últtyq muzeyde Álihan Bókeyhannyng 150 jyldyghy men el tәuelsizdigining 25 jyldyghyna arnalghan "Álihan Bókeyhan: Alash múraty jәne Tәuelsizdik qúndylyghy" atty ghylymiy-praktikalyq konferensiya ótti. Alqaly jiynda Álekenning ómiri, qoghamdaghy róli, qyzmeti, tәuelsizdik jolyndaghy kýresi, ghylymnyng salalaryna sinirgen enbegi jәne. t.b. әngime ózegine ainaldy. Eng bastysy, Astana qalalyq әkimdigi, qalalyq tilderdi damytu basqarmasy Últtyq muzeymen birlesip úiymdastyrghan basqosuda Álekenning әruaghyna arnalyp as berilip, qúran baghyshtaldy. Búl -elimizding ruhany ómirindegi ýlken janalyq.

Biraq... jayshylyqta "Qatty jelden aghash qúlady" nemese "Astanagha qalyng qar jaudy" degendi dabyraytyp talasa-tarmasa janalyq etip taratatyn orystildi jәne qazaqtildi BAQ-tardyng eshbireui lәm-mim dep "auzyn ashpady". Aqsaqal basylym - "Egemen Qazaqstan" gazetining sayty ghana ýlken fotosurettermen shaghyn aqparat berdi. Sonda deymiz-au, últ kósemi - Álekenning 150 jyldyq toyynan aqparat bermegen sayttar "atasynyng basynan aqparat bere" me??? Alqaly jiynda qanshama ruhty bayandama oqylyp, parasatty pikirler aityldy. Álekenning biz bilmeytin qanshama qyry ashyldy. Biraq... múnday oqigha bizding bas shúlghyghysh BAQ-tardy qyzyqtyrmaghan eken. Olay deytinim, keshkilik ghalamtordaghy sayttardan Álekenning toyy jóninde kim, qanday aqparat berdi eken dep izdep edim, "Egemennen" ózge eshkimdi tappadym. Búl ne degen masqara?

Aqtoghay men Qarqaralyda, Semeyde Álekene qatysty derek joq!

Últtyq muzeyde ótken "Álihan Bókeyhan: Alash múraty jәne Tәuelsizdik qúndylyghy" atty halyqaralyq ghylymiy-praktikalyq konferensiyada bayandama jasaghan әdebiyettanushy-ghalym Aygýl Isimaqova Álekene qatysty әdiletsizdikting ózimizden bastalatynyn sanaly jandardyng jýregine batyryp aitty. El tәuelsizdigining 25 jyldyghy men Álekenning 150 jyldyghyna oray QazGEO úiymdastyrghan "Álihan Bókeyhan izimen" atty ekspedisiyanyng qúramynda bolghan Aygýl hanym jagha ústatarlyq jaghdaylargha tap bolypty. "Mening qatty janyma batqany - Álekeng turaly Aqtoghayda, Qarqaralyda, Semeyde derek joq bolyp shyqty. Mysaly, Qarqaralyda Álekeng oqyghan mektepting eski ghimaraty bar. Ol jer qazir dýkenge ainalypty. Biz anyq-qanyghyn bilmek bolyp, jergilikti biylikten súrap edik, olar eshtene aita almady. Semeyde de Alash turaly aqparat kóp, biraq Álekeng qatysty eshqanday jana derek kezdestirmedik",- dedi A. Isimaqova. Atap aitarlyghy, alqaly jiyndaghy eng mazmúndy, qyzyqty bayandama osy Aygýl hanymdiki boldy. Ókinishtisi, moderator bolghan Astana qalalyq tilderdi damytu basqarmasynyng bastyghy Tileughaly Qyshqashbaev bayandamany "ýzip" tastady.

Álekenning shygharmalaryn basyp shygharugha soqyr tyiyn bólinbegen!

Sýiinshi, aghayyn! Keshe elordamyzdyng tórindegi Últtyq muzeyde Alash kósemi Álihan Bókeyhannyng ómiri men qyzmetine arnalghan qazaq jәne orys tilderindegi qos tomdyqtyng túsauy kesildi. Qúndy dýniyening avtory - tanymal alashtanushy ghalym, "Alash" ruhaniy-mәdeny damu institutynyng diyrektory Súltanhan Aqqúlúly. Eki tomdyq shygharmanyng alghashqysy "Qazaq jerining joqshysy", ekinshisi - "Amanat" dep atalghan. Orysshasy "Tvores istorii" jәne "Zaveshaniye" dep atalady. Jana kitaptardyng túsauyn filolog-ghalym, akademik Seyit Qasqabasov pen jazushy-dramaturg, Astana qalasy әkimining orynbasary Ermek Amanshaev birge kesti. Eng ókinishtisi, Súltanhan Aqqúlúly 17 mln. halyqqa búl kitaptar nebary 400 danamen ghana taralatynyn aityp, qatty qynjyldy. Aytpaqshy, Súltekeng Álekenning 150 jyldyq mereytoyy jylynda budjetten kitap shygharugha soqyr tyiyn da bólinbegenin, qos tomdyq jekelegen azamattardyng qarajatyna shyqqanyn ashynyp jetkizdi. Ol keler jyly Alashtyng 100 jyldyghyna oray, osy kitaptardy aghylshyn, týrik, ukrain tilderine audaru josparlanghanyn habarlady.

Tólen Tileubay, Astana

Abai.kz