Aymaqtaghy klimat jaghdaylary jergilikti ekonomikany damytuda manyzdy ról atqaratyn auyl sharuashylyghyna qolayly. Ontýstik Qazaqstan oblysynyng auyl sharuashylyghy songhy jiyrma jylda innovasiyalyq salagha ainaldy. Memleketting qarjylyq qoldauynyng arqasynda auyl enbekkerleri jana tehnologiyalardy belsene qoldana bastady, búghan eng aldymen ylghal ýnemdegish tehnologiyalardy jatqyzugha boldy. Ondaghan jyldar boyy sugha zәru bolyp kelgen Ontýstik Qazaqstan ýshin búl agrarlyq saladaghy naghyz ilgerileu boldy: 15 myng gektardan astam jer tamshylap suarylady. Osy baghyttaghy júmys bastalghan 2010 jylmen salystyrghanda ylghal ýnemdegish tehnologiya paydalanylatyn audandar eki eseden artyq úlghaydy. Endi mine olar respublikalyq kórsetkishting 70 payyzyn qúraydy. Týrkistanda tamshylatyp suarugha arnalghan jabdyq shygharatyn zauyt salyndy, búl sharualar ýshin tehnologiyany әldeqayda arzan baghagha satyp alugha mýmkindik tughyzdy.

Tek tәuelsizdik jyldary Qazaqstan Shardara su qoymasynan Maqtaaral audanynyng suarmaly egistikterine mashinamen su tartu jobasyn iske asyru esebinen oblystyng ontýstigindegi su mәselesin sheshuding sәti týsti. Ontýstikter ony «Tәuelsizdik jobasy» dep atady. QR Preziydenti N.Nazarbaevtyng arqasynda el ýshin eng qysyltayang qarjylyq jәne ekonomikalyq daghdarys kezeninde memleket búghan 14 milliard tenge júmsap, maqtaaraldyqtar maqta ósiru kezinde Syrdariya suyn Ózbekstan aumaghy arqyly aghyzatyn memleketaralyq «Dostyq» arnasyndaghy sugha tәuelsiz etti.

Oblysta Qazaq maqta sharushalyghy ghylymiy-zertteu instituty ashyldy,  onyng ghalymdary egistikterde Qazaqstanda audandastyrylmaghan ózbek maqtasyn auystyrghan bes otandyq súrypty ósirip shyghardy. Olardy eguge kóshu nәtiyjesinde oblys kirisining eksporttyq baptarynyng biri bolyp tabylatyn shiyti maqta ónimin arttyrdy. OQO – Qazaqstandaghy otandyq toqyma ónerkәsibining damuynyng negizin qúraytyn shiyti maqta ósiriletin jalghyz oblys.

Qazaqstannyng jem óndirisin damytu tarihynda túnghysh ret institutta jonyshqanyng «Kóksaray» suarmaly súryby shygharyldy, ol maqta-jonyshqa túqym ainalymyn qalyptastyrugha negiz bolady. «Kóksaraygha» deyin Ontýstik Qazaqstanda jonyshqanyng ónimdiligi óte tómen bolgarlyq súryptary egiletin. Túqymdar kórshiles respublikadan әkelinip, audandastyrylmady. Jemdik daqyldyng nashar ónimdiligi sharualardyng ony túqym ainalymynda paydalanudan tartynuyna әkelip, sonyng nәtiyjesinde topyraq qúnarlylyghy tómendey týsti. «Kóksaray» jaghdaydy onaltty.

Taghy bir ghylymy mekeme – «Ontýstik-Batys mal jәne ósimdik sharuashylyqtary ghylymy zertteuler instituty» AQ qoydyng jana túqymyn shyghardy, sonday zertteuleri ýshin bir top ghalym Qazaqstan Respublikasynyng Memlekettik syilyghyn aldy. Institutta shóleyttenuge qarsy, aridtik daqyldardy sebu esebinen jayylymdardyng qúnarlylyghyn saqtau, jayylymdyq mal sharushalyghynyng ontayly tәsilderin qayta janghyrtu júmystary jalghasuda. Kenes dәuirinde úsaq mal basy birneshe milliondap jayylsa, qazir olardyng sany azayyp ketken. Degenmen, jaghdaydyng onalyp kele jatqany bayqalady. QR Preziydenti N.Nazarbaevtyng jayylymdyq mal sharuashylyghyna kónil bóluining arqasynda, GhZY ghalymdary keybir aimaqtarda shopandargha qolayly jaghday jasaugha, zerthanalar ashugha, baylanys jýielerin qúrugha baghyttalghan jobalardy oilastyryp, jýzege asyruda. Mal sharuashylyghynyng býkil elding auyl sharuashylyghynyng jalpy ónimindegi ýlesi 45,7%. Basym bóligin et, sýt jәne júmyrtqa óndirisi alady. OQO sharualardyng zor qyzyghushylyghyn tudyrghan «Sybagha» fermerlik sharuashylyqtardy damytu baghdarlamasyna qosyldy. Oblystyng Ontýstik ónirlerining tabighy resurstary men ekonomikalyq әleuetin eskersek, qazirgi uaqytta gazdalghan miyneraldy sular óndirisi artty.

Abay aqparat