«Núr Otan» partiyasy OQO filialynyng ókili Nýrken Álimqúlov jәne oblystyq auyl sharuashylyghy basqarmasynyng bólim basshysy Bazarbek Omarov bastaghan aimaq atqaminerlerining ekspedisiya saparynyng ekinshi kýni Ordabasy audanyn aralaumen jalghasty. Oblys ortalyghyna jaqyn ornalasqan búl audanda ónerkәsip oryndary jii shoghyrlanghan. Shaghyn jәne orta kәsipkerlik te jaqsy damyp keledi. Audandar arasynda ónerkәsip oryndarynyng óndirgen ónim kólemi boyynsha oblysta kósh bastap otyrghanyn aitqan audan әkimi apparatynyng basshysy Azat Oralbaev jergilikti túrghyndardy júmyspen qamtuda kóptegen sharualar atqaryp jatqanyn da tilge tiyek etti.  

Óndiris oryndaryn aralap kórudi úigharghan ekspedisiya mýsheleri alghash Shúbar auyldyq okrugindegi Abdrahim Júmabekov basshylyq etetin «Bastau Farm» jauapkershiligi shekteuli seriktestigining tynys-tirshiligimen tanysty. Búl seriktestik qyzyl miya ósimdigining tamyrynan shiykizat óndirumen ainalysady eken.

— Seriktestikting ashylyp, júmys istey bastaghanyna 10 jyldan asty, — degen seriktestik menedjeri Gýldana Kerimqúlova, — Qyzyl miyanyng tamyryn Qyzylorda, Shardara, Týrkistan, Jetisay, Saryaghash ónirlerinen qazyp әkelemiz. Tamyr su kýiinde qazylyp alynyp, ony shauyp, tazalap, juyp, keptirip, «Himfarm» zauytyna, «Zerde» dәrihanalar jýiesine ekstrat, yaghny shiykizat kýiinde jiberemiz. Bizde, sonday-aq, qyzyl miya tamyrynan úntaq, súiyqtyq týrindegi ónimder de jasalady. Olardy bóshkelerge qúiyp qoyamyz. Qyzyl miyadan negizinen jótelge qarsy dәriler jasalady. Sosyn koka-kola sekildi susyndargha, kýlshelerge paydalanatyn kremning qúramyna qosylady,-deydi seriktestik menedjeri.

Abai.kz