BURO BIYGELDINING REDAKSIYaSYNA TINTU JÝRGIZDI
Sybaylasqan jemqorlyqqa qarsy túru jónindegi últtyq buro qyzmetkerleri Almatydaghy bir biznes ortalyqta ornalasqan eki redaksiya - Radiotochka.kz jәne Central Asia Monitor gazetinde tintu júmystaryn jýrgizdi. Búnyng aldynda ghana gazetting bas redaktory men portal baspageri Biygeldi Ghabdullin Astanada ústalghan bolatyn.
Radiotochka.kz redaksiyasynyng mәlimeti boyynsha, tintu júmystary advokattyng qatysuynsyz bastalghan, keyin kelgen zanger buro qyzmetkerlerining búl әreketine shaghymdanghan, óitkeni olar әkelgen "order tintu júmysyna qatyspaghan tergeushining atyna rәsimdelgen" bolyp shyqty.
Habarlargha qaraghanda, tanerteng bastalghan tintu júmystary az uaqytqa toqtatylyp, keyin qayta jalghasqan. Buro qyzmetkerleri redaksiyadan eki noutbuk tәrkilegen.
15 qarashada Astanada Sybaylasqan jemqorlyqqa qarsy túru jónindegi últtyq buro qyzmetkerleriCentral Asia Monitor gazetining bas redaktory jәne Radiotochka.kz saytynyng baspageri Biygeldi Ghabdullindi bopsalaumen ainalysty degen kýdikpen ústaghany habarlandy. Sybaylasqan jemqorlyqqa qarsy qyzmet núsqasy boyynsha, 61 jastaghy Ghabdullin "kelensiz materialdar jariyalau arqyly memlekettik organdargha aqparattyq shabuyl jasap, basylymdaryna memlekettik tapsyrys alu maqsatynda sheneunikterdi bopsalaghan".
Sybaylasqan jemqorlyqqa qarsy kýres jәne memlekettik qyzmet isteri jónindegi agenttikting tóraghasy Qayrat Qojamjarovtyng habarlauynsha, Ghabdullinge qatysty tergeu endi ghana bastaldy, sol sebepti ol isting jay-japsaryn bayandap bere almaydy.
Abai.kz
