Biz bilim jəne ghylym ministirin tekke jazghyryp jatyrmyz-au shamasy. Bayaghda bir kisi: "Ulap-shulap jýrip, úl tabatyn kelinshekke qyz taptyrdyq" depti. Sol aitpaqshy dau-damay men ulap-shulaudan qolymyz bosamay jatqanda biylik ózderi qúrghan joba men jospardyng nətiyjesine ózderi mas bolyp, ózderinen-ózderi shattanyp, riza bolyp jýretin siyaqty.

"Qoghamnyng qozghaltqysh kýshi halyq ne oilady?" deytin úghym joq olarda. Olarda qanypezer monopol kapitaliyzining maqsaty ghana bar. Bizding biylik ishten basqarmaydy. Syrttan bir qúdiretti kýsh qausyryp, qysyp, qadaghalap tapsyrma beredi túrady. Sizder oilamanyzdar qazirgi biylik orys tildi óz úrpaqtary ýshin kýresip jatyr dep, olar ýlken bir ózgeriske zor dayyndyq jasap jatyr. Óte sauatty týrde jýrgizilip jatqan astyrtyn sayasat qazaqty úshpaqqa shygharmaydy, qazaqty qoragha qayta tyghuy mýmkin.  

Eshbir memleket últtyq tiline qarsy bizding biyliktey ayarlyq tanytyp otyrghan joq. Eshbir, eshbir el óz tiline qazaq biyligindey satqyndyq jasap jatqan joq. Qazaq tilin sóiley almaytyn adam biylikte otyryp qazaq mýddesin qorghay almaydy. Ashynbasaq aighaylap nemiz bar. Biylik dúrys sayasatyn jýrgizip, halyqtyng jaghynan shyghyp túrsa, sayasatta nemiz bar. Biylik qayta-qayta qiytúrqy məlimdeme jasap, qisynsyz zang qabyldap, júrttyng jýikesin synap, oinap otyrghan joq. Olar kezen-kezeng boyynsha súmdyq josparlaryn tyqpalap, zorlap bolsa da ortagha salyp keledi. Halyq ulap-shulap bir búlqynady, eki búlqynady. Aqyry eti ólip ýirengen song "qalaghanyndy qyla berge" keledi.

Əytpese ne ÚBT-dan qazaq tilin alyp tastaytyn qanday qúdiretteri bar. Qazaq memleketi me, qazaq tili negizgi emtihannyng eng manyzdy talaby boluy shart. Ol ózgermeytin paryz. Meyli qanday syltau bolsa da últtyng tili qúrbandyqqa shalynbauy tiyis. Myna azat elde eshkimning oghan shekteu qoyarlyq qúqyghy joq. Biz tilmen ghana qazaq bola alamyz. Bastary basqagha istemese de, osy tilge kelgende, tilsizdenuge kelgende biylikting quana zang qabyldap, belsene atqara qalatyny tyqyrdyng terende ekenine kózimiz jete týsedi. Qazaq elinde túryp ózimiz qazaqtyqtan jerisek, shettegiden ne súraysyn. Imuniytetimiz ólmese eken. Ər shudyng astynda ýlken qysastyng kýtip jatqanyn jýikemiz sezip, selt etip oyanyp jatsaq eken.

Jaqsybek Qaqan

Abai.kz