ءبىز ءبىلىم جəنە عىلىم ءمينيستىرىن تەككە جازعىرىپ جاتىرمىز-اۋ شاماسى. باياعدا ءبىر كىسى: "ۋلاپ-شۋلاپ ءجۇرىپ، ۇل تاباتىن كەلىنشەككە قىز تاپتىردىق" دەپتى. سول ايتپاقشى داۋ-داماي مەن ۋلاپ-شۋلاۋدان قولىمىز بوساماي جاتقاندا بيلىك وزدەرى قۇرعان جوبا مەن جوسپاردىڭ نəتيجەسىنە وزدەرى ماس بولىپ، وزدەرىنەن-وزدەرى شاتتانىپ، ريزا بولىپ جۇرەتىن سياقتى.

"قوعامنىڭ قوزعالتقىش كۇشى حالىق نە ويلادى؟" دەيتىن ۇعىم جوق ولاردا. ولاردا قانىپەزەر مونوپول كاپيتاليزىنىڭ ماقساتى عانا بار. ءبىزدىڭ بيلىك ىشتەن باسقارمايدى. سىرتتان ءبىر قۇدىرەتتى كۇش قاۋسىرىپ، قىسىپ، قاداعالاپ تاپسىرما بەرەدى تۇرادى. سىزدەر ويلاماڭىزدار قازىرگى بيلىك ورىس ءتىلدى ءوز ۇرپاقتارى ءۇشىن كۇرەسىپ جاتىر دەپ، ولار ۇلكەن ءبىر وزگەرىسكە زور دايىندىق جاساپ جاتىر. وتە ساۋاتتى تۇردە جۇرگىزىلىپ جاتقان استىرتىن ساياسات قازاقتى ۇشپاققا شىعارمايدى، قازاقتى قوراعا قايتا تىعۋى مۇمكىن.  

ەشبىر مەملەكەت ۇلتتىق تىلىنە قارسى ءبىزدىڭ بيلىكتەي ايارلىق تانىتىپ وتىرعان جوق. ەشبىر، ەشبىر ەل ءوز تىلىنە قازاق بيلىگىندەي ساتقىندىق جاساپ جاتقان جوق. قازاق ءتىلىن سويلەي المايتىن ادام بيلىكتە وتىرىپ قازاق مۇددەسىن قورعاي المايدى. اشىنباساق ايعايلاپ نەمىز بار. بيلىك دۇرىس ساياساتىن جۇرگىزىپ، حالىقتىڭ جاعىنان شىعىپ تۇرسا، ساياساتتا نەمىز بار. بيلىك قايتا-قايتا قيتۇرقى مəلىمدەمە جاساپ، قيسىنسىز زاڭ قابىلداپ، جۇرتتىڭ جۇيكەسىن سىناپ، ويناپ وتىرعان جوق. ولار كەزەڭ-كەزەڭ بويىنشا سۇمدىق جوسپارلارىن تىقپالاپ، زورلاپ بولسا دا ورتاعا سالىپ كەلەدى. حالىق ۋلاپ-شۋلاپ ءبىر بۇلقىنادى، ەكى بۇلقىنادى. اقىرى ەتى ءولىپ ۇيرەنگەن سوڭ "قالاعانىڭدى قىلا بەرگە" كەلەدى.

Əيتپەسە نە ۇبت-دان قازاق ءتىلىن الىپ تاستايتىن قانداي قۇدىرەتتەرى بار. قازاق مەملەكەتى مە، قازاق ءتىلى نەگىزگى ەمتيحاننىڭ ەڭ ماڭىزدى تالابى بولۋى شارت. ول وزگەرمەيتىن پارىز. مەيلى قانداي سىلتاۋ بولسا دا ۇلتتىڭ ءتىلى قۇرباندىققا شالىنباۋى ءتيىس. مىنا ازات ەلدە ەشكىمنىڭ وعان شەكتەۋ قويارلىق قۇقىعى جوق. ءبىز تىلمەن عانا قازاق بولا الامىز. باستارى باسقاعا ىستەمەسە دە، وسى تىلگە كەلگەندە، تىلسىزدەنۋگە كەلگەندە بيلىكتىڭ قۋانا زاڭ قابىلداپ، بەلسەنە اتقارا قالاتىنى تىقىردىڭ تەرەڭدە ەكەنىنە كوزىمىز جەتە تۇسەدى. قازاق ەلىندە تۇرىپ ءوزىمىز قازاقتىقتان جەرىسەك، شەتتەگىدەن نە سۇرايسىڭ. يمۋنيتەتىمىز ولمەسە ەكەن. Əر شۋدىڭ استىندا ۇلكەن قىساستىڭ كۇتىپ جاتقانىن جۇيكەمىز سەزىپ، سەلت ەتىپ ويانىپ جاتساق ەكەن.

جاقسىبەك قاقان

Abai.kz