Särsenbi, 26 Aqpan 2020
Qoğam 1990 0 pikir 2 Naurız, 2017 sağat 11:09

BASPANANI BANK BASŞISI «BASIP» QALA BERE ME?

«Aq jol» partiyası kezekti ret Ükimetke Twrğın üy qwrılıs jinaq banki qızmetin tärtipke keltiru talabımen jüginip otır. Prlamenttiñ Aqjol frakciyasınıñ deputattıq saualın  Erlan Barlıbaev joldaptı.

«Vremya» gazetiniñ bügingi sanında Mihail Kozaçkovtıñ «Onıñ armanı orındaldı. Mäjilis ne deydi?» attı maqalası jarıq kördi. Belgili jurnalist öz tergeu isin jürgizdi, onda «Twrğın üy qwrılıs jinaq banki» basqarması törağası orınbasarınıñ otbası birden jeñildikpen üş päterdi satıp alğanı ayqın türde körsetilgen. Sonıñ özinde, bankiniñ özinde de, «Bäyterek» holdinginde de bwl jayttı bwzuşılıq dep sanamaydı.

Esteriñizge sala keteyik, «Aq jol» frakciyası 2013 jılı eki ret (13 aqpanda jäne 19 mausımda) atı atalğan memlekettik bankiniñ sol kezdegi basşılığınıñ wqsas is-äreketteri turalı saualdardı mälimdegen bolatın, ayta keteyik, bwl bank mwqtaj azamattarğa twrğın üy aluğa kömek körsetu maqsatında qwrılğan edi.

Sol kezde osı eki saualğa özderine jäne öz tuıstarına jeñildikpen elitalıq päterlerdi satıp alğan bank basşılığınıñ is-äreketi – «äbden zañdı» degen jauap berilgen edi.

«Bwl arsızdıq sol jıldıñ 11 qazanında Elbasınıñ özi osı iske aralasıp, bank basşılığın auıstırudı talap etip jäne de olarmen jäne olardıñ tuıstarımen satıp alınğan päterlerin memleketke qaytarıp berudi talap etkenge deyin jalğasıp jattı, – dep basa ayttı deputat. – Barlıq aldında aytılğan «zañdı» degen sözderge qaramastan, isterdi sot tärtibinde qarağan kezde, deputattar tarapınan aytılğan payımdar tolıq rastaldı, al Twrğın üy jinaq bankiniñ qızmeti öziniñ bastapqı maqsatına – qarapayım azamattarğa kömek körsetu maqsatına qayta oraldı».

Degenmen, «Vremya» gazetimen anıqtalğanday, bwl özgerister barlığına qatıstı bolğan joq. Söytip, bank törağası orınbasarınıñ otbası, sol kezde tuındağan janjalğa jäne Elbasınıñ bwnday jügensizdikti toqtatu turalı tapsırmasına qaramastan, 3 päter satıp alu üşin jeñildikpen birneşe milliondağan nesie aldı. Salıstıru üşin: BAQ derekteri boyınşa, sol kezeñde ipoteka boyınşa kommerciyalıq banktardıñ mölşerlemeleri 20%-ğa deyin jetetin, al Twrğın üy jinaq banki törağası orınbasarınıñ otbasına nebäri 4 %-ben berildi.

«Qarapayım qazaqstandıqtar jalğız baspanasınan ayırılıp qalmas üşin tınımsız eki-üş jerde jwmıs istep, özderin jäne balaların qajetti närselerden şektep jatadı. Olar ay sayın birneşe jüz mıñ teñge köleminde tölem töleydi jäne olarğa banktar teñgeniñ eski bağamı boyınşa qayta qarjılandırudan bas tartadı.

Al memlekettik twrğın üy banki basşısınıñ tuıstarı Astananıñ qaq ortasında ornalasqan keremet päterler üşin – sizder senbeysizder! – ayına nebäri 20 mıñ teñge töleydi – delingen saualda. – Aytıñızdarşı, qarapayım qazaqstandıqqa qaşan jäne qay jerde osınday tamaşa jağdaylar jasalğan edi?».

Deputattar, neşe jerden mwnday jağday zañdı bolğanımen – bwl kem degende, qoğamğa qatıstı beyädep jäne tipti adamgerşilikke jat qılıq dep sanaydı.

««Ak jol» partiyası ünemi, bank sektorın qosa alğanda, bizneske qoldau körsetudi maqsat twtadı. Alayda biz jeke biznestiñ jäne memleket esebinen kommerciyanıñ ara jigin ajıratuğa şaqıramız, köpke tanımal «Kavkaz twtqını» fil'minde aytılğanday: «Al sen öziñniñ jeke mülkiñdi memlekettikpen şatastırma» – dep döp ayttı Barlıbaev.

«Aq jol» partiyası müşeleriniñ pikirinşe, bwl jerdegi mäsele aqşa da emes, eñ bastısı, mañızdı memlekettik bağdarlamalarğa qazaqstandıq azamattardıñ senimin saqtap qalu, al sol bağdarlamanı orındauşılardıñ mwnday jeke aşközdikteri saldarınan onı joğaltıp alu äbden mümkin.

Osı orayda, frakciya deputattarı kezekti ret joğarıda atı atalğan mekemeniñ qızmetin tärtipke keltiruditalap etedi.

«Aq jol» QDP jäne onıñ parlamenttik frakciyası saylau aldındağı bağdarlamasın iske asıru jäne qarapayım qazaqstandıqtardıñ müddelerin qorğau boyınşa jwmısın jalğastıruda.

Erlan Barlıbaev,

QR Parlament Mäjilisiniñ Aqjol frakciyası

Abai.kz

0 pikir