جەكسەنبى, 31 مامىر 2020
COVID-19 قازاقستاندا. جۇقتىرعاندار — 10858. جازىلعاندار — 5404. قايتىس بولعاندار — 40
قوعام 2160 0 پىكىر 2 ناۋرىز, 2017 ساعات 11:09

باسپانانى بانك باسشىسى «باسىپ» قالا بەرە مە؟

«اق جول» پارتياسى كەزەكتى رەت ۇكىمەتكە تۇرعىن ءۇي قۇرىلىس جيناق بانكى قىزمەتىن تارتىپكە كەلتىرۋ تالابىمەن جۇگىنىپ وتىر. پرلامەنتتىڭ اقجول فراكتسياسىنىڭ دەپۋتاتتىق ساۋالىن  ەرلان بارلىباەۆ جولداپتى.

«ۆرەميا» گازەتىنىڭ بۇگىنگى سانىندا ميحايل كوزاچكوۆتىڭ «ونىڭ ارمانى ورىندالدى. ءماجىلىس نە دەيدى؟» اتتى ماقالاسى جارىق كوردى. بەلگىلى جۋرناليست ءوز تەرگەۋ ءىسىن جۇرگىزدى، وندا «تۇرعىن ءۇي قۇرىلىس جيناق بانكى» باسقارماسى توراعاسى ورىنباسارىنىڭ وتباسى بىردەن جەڭىلدىكپەن ءۇش پاتەردى ساتىپ العانى ايقىن تۇردە كورسەتىلگەن. سونىڭ وزىندە، بانكىنىڭ وزىندە دە، «بايتەرەك» حولدينگىندە دە بۇل جايتتى بۇزۋشىلىق دەپ سانامايدى.

ەستەرىڭىزگە سالا كەتەيىك، «اق جول» فراكتسياسى 2013 جىلى ەكى رەت (13 اقپاندا جانە 19 ماۋسىمدا) اتى اتالعان مەملەكەتتىك بانكىنىڭ سول كەزدەگى باسشىلىعىنىڭ ۇقساس ءىس-ارەكەتتەرى تۋرالى ساۋالداردى مالىمدەگەن بولاتىن، ايتا كەتەيىك، بۇل بانك مۇقتاج ازاماتتارعا تۇرعىن ءۇي الۋعا كومەك كورسەتۋ ماقساتىندا قۇرىلعان ەدى.

سول كەزدە وسى ەكى ساۋالعا وزدەرىنە جانە ءوز تۋىستارىنا جەڭىلدىكپەن ەليتالىق پاتەرلەردى ساتىپ العان بانك باسشىلىعىنىڭ ءىس-ارەكەتى – «ابدەن زاڭدى» دەگەن جاۋاپ بەرىلگەن ەدى.

«بۇل ارسىزدىق سول جىلدىڭ 11 قازانىندا ەلباسىنىڭ ءوزى وسى ىسكە ارالاسىپ، بانك باسشىلىعىن اۋىستىرۋدى تالاپ ەتىپ جانە دە ولارمەن جانە ولاردىڭ تۋىستارىمەن ساتىپ الىنعان پاتەرلەرىن مەملەكەتكە قايتارىپ بەرۋدى تالاپ ەتكەنگە دەيىن جالعاسىپ جاتتى، – دەپ باسا ايتتى دەپۋتات. – بارلىق الدىندا ايتىلعان «زاڭدى» دەگەن سوزدەرگە قاراماستان، ىستەردى سوت تارتىبىندە قاراعان كەزدە، دەپۋتاتتار تاراپىنان ايتىلعان پايىمدار تولىق راستالدى، ال تۇرعىن ءۇي جيناق بانكىنىڭ قىزمەتى ءوزىنىڭ باستاپقى ماقساتىنا – قاراپايىم ازاماتتارعا كومەك كورسەتۋ ماقساتىنا قايتا ورالدى».

دەگەنمەن، «ۆرەميا» گازەتىمەن انىقتالعانداي، بۇل وزگەرىستەر بارلىعىنا قاتىستى بولعان جوق. ءسويتىپ، بانك توراعاسى ورىنباسارىنىڭ وتباسى، سول كەزدە تۋىنداعان جانجالعا جانە ەلباسىنىڭ بۇنداي جۇگەنسىزدىكتى توقتاتۋ تۋرالى تاپسىرماسىنا قاراماستان، 3 پاتەر ساتىپ الۋ ءۇشىن جەڭىلدىكپەن بىرنەشە ميلليونداعان نەسيە الدى. سالىستىرۋ ءۇشىن: باق دەرەكتەرى بويىنشا، سول كەزەڭدە يپوتەكا بويىنشا كوممەرتسيالىق بانكتاردىڭ مولشەرلەمەلەرى 20%-عا دەيىن جەتەتىن، ال تۇرعىن ءۇي جيناق بانكى توراعاسى ورىنباسارىنىڭ وتباسىنا نەبارى 4 %-بەن بەرىلدى.

«قاراپايىم قازاقستاندىقتار جالعىز باسپاناسىنان ايىرىلىپ قالماس ءۇشىن تىنىمسىز ەكى-ءۇش جەردە جۇمىس ىستەپ، وزدەرىن جانە بالالارىن قاجەتتى نارسەلەردەن شەكتەپ جاتادى. ولار اي سايىن بىرنەشە ءجۇز مىڭ تەڭگە كولەمىندە تولەم تولەيدى جانە ولارعا بانكتار تەڭگەنىڭ ەسكى باعامى بويىنشا قايتا قارجىلاندىرۋدان باس تارتادى.

ال مەملەكەتتىك تۇرعىن ءۇي بانكى باسشىسىنىڭ تۋىستارى استانانىڭ قاق ورتاسىندا ورنالاسقان كەرەمەت پاتەرلەر ءۇشىن – سىزدەر سەنبەيسىزدەر! – ايىنا نەبارى 20 مىڭ تەڭگە تولەيدى – دەلىنگەن ساۋالدا. – ايتىڭىزدارشى، قاراپايىم قازاقستاندىققا قاشان جانە قاي جەردە وسىنداي تاماشا جاعدايلار جاسالعان ەدى؟».

دەپۋتاتتار، نەشە جەردەن مۇنداي جاعداي زاڭدى بولعانىمەن – بۇل كەم دەگەندە، قوعامعا قاتىستى بەيادەپ جانە ءتىپتى ادامگەرشىلىككە جات قىلىق دەپ سانايدى.

««اك جول» پارتياسى ۇنەمى، بانك سەكتورىن قوسا العاندا، بيزنەسكە قولداۋ كورسەتۋدى ماقسات تۇتادى. الايدا ءبىز جەكە بيزنەستىڭ جانە مەملەكەت ەسەبىنەن كوممەرتسيانىڭ ارا جىگىن اجىراتۋعا شاقىرامىز، كوپكە تانىمال «كاۆكاز تۇتقىنى» فيلمىندە ايتىلعانداي: «ال سەن ءوزىڭنىڭ جەكە مۇلكىڭدى مەملەكەتتىكپەن شاتاستىرما» – دەپ ءدوپ ايتتى بارلىباەۆ.

«اق جول» پارتياسى مۇشەلەرىنىڭ پىكىرىنشە، بۇل جەردەگى ماسەلە اقشا دا ەمەس، ەڭ باستىسى، ماڭىزدى مەملەكەتتىك باعدارلامالارعا قازاقستاندىق ازاماتتاردىڭ سەنىمىن ساقتاپ قالۋ، ال سول باعدارلامانى ورىنداۋشىلاردىڭ مۇنداي جەكە اشكوزدىكتەرى سالدارىنان ونى جوعالتىپ الۋ ابدەن مۇمكىن.

وسى ورايدا، فراكتسيا دەپۋتاتتارى كەزەكتى رەت جوعارىدا اتى اتالعان مەكەمەنىڭ قىزمەتىن تارتىپكە كەلتىرۋدىتالاپ ەتەدى.

«اق جول» قدپ جانە ونىڭ پارلامەنتتىك فراكتسياسى سايلاۋ الدىنداعى باعدارلاماسىن ىسكە اسىرۋ جانە قاراپايىم قازاقستاندىقتاردىڭ مۇددەلەرىن قورعاۋ بويىنشا جۇمىسىن جالعاستىرۋدا.

ەرلان بارلىباەۆ،

قر پارلامەنت ءماجىلىسىنىڭ اقجول فراكتسياسى

Abai.kz

0 پىكىر