Jwma, 13 Jeltoqsan 2019
Dep jatır 2782 0 pikir 31 Qañtar, 2017 sağat 19:29

DIMAŞ QWDAYBERGENOV "THE SHOW MUST GO ON" ÄNİN ORINDAMAQŞI!

Qıtaydıñ "I am a Singer" jobasına qatısıp jatqan Dimaş Qwdaybergenov bayqaudıñ kelesi kezeñinde britandıq Queen tobınıñ "The Show Must Go On" änin orındaytın boldı. Bwl turalı änşi paraqşasında habarladı.

"Halıqaralıq 28-şi qısqı universiada oyındarında öner körsetip, bügin Beyjiñ äri qaray Çanşa qalasına jolğa şıqtım! Alda dayındıq. Aqpannıñ 4-şi jwldızı kelesi bayqau küninde ataqtı Qween tobınıñ repertuarınan "The Show must go on" änin şırqaymın! Şou bastaldı!" - dep jazadı Dimaş Qwdaybergenov. 

 The Show must go on" (qazaqşa: "Şou jalğasuı tiis") - Innuendo al'bomında jariyalanğan britandıq Queen rok-tobınıñ eñ tanımal änderiniñ biri. Tuındı rok-muzıka bağıtındağı eñ ataqtı şığarmalardıñ biri bolıp esepteledi.

Änşiniñ qay künderi öner körsetetini turalı aqparat osığan deyin belgili bolğan edi. 28 qañtar küni Dimaş Qıtaydıñ Hunan TV arnasında tikeley efir arqılı "I am a Singer" jobası ayasında "Opera 2" änin aytıp, birinşi orın alğan bolatın.

 

 Birinşi kezeñde Dimaş Qwdaybergenov francuz tilindegi "SOS d'un terrien en détresse" änin orındap, körermender qoşemetine bölendi. Qıtaylıq muzıka mamandarı onı "Täñir nazarına alğan änşi" dep atadı, al fanattarı qazaqşa üyrene bastadı. Jergilikti kompaniya änşiniñ qwrmetine smartfon şığarıp, sonımen qatar "Dimaş" jäne "Qazaqstan" Qıtay internetinde jii izdeletin sözder qatarına endi.

 

Saytqa äzirlegen Nwrswlu Naymanova

Abai.kz


0 pikir