Azyp-tozyp kettim, tura «Qanbaq shal» ertegisinidegi  qanbaq shal boldym.  Shal degende, shalqamnan týsip jatqan tym kәri de emespin, jetpisten  jyn qughanday jýgirip kele jatqandaymyn. Auzym kermek, jýgirip kele jatyp, týkirip kele jatqandaymyn, týkirip kele jatyp, týnerip kele jatqandaymyn... Sheneunik degen atym bar, meyli, meni toqtatyp alyp atyndar, ýiden shygha bergenimde, úiytqyghan sonday suyq, sonday yzgharly jel túrdy da, meni qanbaqtay qalbalaqtatyp, domalata jónelgeni!

Jel tek arqa túsymnan ghana túrghanday, shyny kerek, Qúday meni  dәl túmsyq­tan úrghanday, domalap–domalap baryp, sart ete qaldym!  Kózimdi ashsam, baghanagha basymdy úryppyn,  sodan tәltirektep túryppyn. Qaramaghymda qyz­met etetin bir jas jigit bar edi, «Assalaumaghaleykum, agha! Tәuelsizdik merekesimen me...» dey bergende, sonday yzgharly, sonday suyq jel aldymnan túrdy da, ebelektey elpendetip, úshyryp әketkeni! Sodan jalmauyzgha da jan kerek, qaryn ashqanda nan kerek degendey, ayaldamada buterbrod jep túrghan әieldi qúshaqtay aldym! Úshyp ketpeyin dep. Ol bolsa, qoryqqanynan jep túrghanyn auzyma tygha saldy da, túra qashty, meninshe alty qyrdan asty... Shashym jalbyrap, denem qaltyrap,  jep jenil salmaghymdy da sezinbesten, taghy da úsha jóneldim. Tipti, bir kólikting astyna týse jazdadym.  Baghdarshamdy qansha tyrysyp qúshaqtasam da, tek maghan ghana túrghan sonday yzgharly, sonday suyq jel temirge ilingen shýberektey jalbyratyp, ayaghym aspangha kóterildi. MAY inspektory kelip:

– Azamat, baghdarshamdy  nege qúshaqtap  túrsyz? – dep súrady.

– Bilmeymin.

– Iship alghannan saumysyz?

– Sәlemetsing be, inishek? – dep qolymda úsyna bergenmin, taghy dadomalap, úsha jóneldim. Anaghan da soghyldym, mynaghan da soghyldym. Bir dýkenderge kirip keteyin desem, eki qolymdy algha sozyp, barynsha yshqynghanymmen, sonday yzgharly, sonday suyq jel aldymnan jibermeydi. Sóitip túrghanda, bir eludi ensergen kisi kelip:

– Ne súrap túrsyz? –dep súrady.

– Eshtene.

– Eki qolynyzdy algha sozyp, yshqynasyz kelip, yshqynasyz kelip...

 – Bilmeymin...

Ol meni tany ketti.

– Oi, siz Otanbay Satqanbayúly emessiz be? 1986 jyly jeltoqsanshylardy jelpine qudalaghan? Órimdey jas qyzdardy ayazdy kýnderi aidalagha aparyp, attyrghan? Meni sottatqan? Tfu, beting qúrysyn! Qalay ghana jer basyp jýrsin? Qalay ghana әli kýnge deyin  sheneunik bolyp jýrsin? – dedi de, betime týkirdi. Onyng týkirigi bir týiir múz bolyp qatyp, aldyma tyq etip týsti... Artynsha qanbaqtay qanghalaqtap, úsha jóneldim, úsharymdy jel, qonarymdy say bilgendey... Tanystarym men sәl ayaldaghanda, jan-jaghymnan qorshap, ayaqtaryn aqyryn basyp,  endi ústay bergende... Qúdayym–ay, jel túra ketip, úshyra jóneledi! Qayda bararymdy, qayda qalarymdy, kim bilsin?  Áli domalap jýrmin! Kómektesindershi, keshirindershi, o, jas úrpaq!

Múhtar Sherim

 Abai.kz