Seysenbi, 22 Qazan 2019
Deja vyu 5737 9 pikir 29 Naurız, 2017 sağat 12:22

Alañ da alañ alañ jwrt... Jalañ ayaq jalañ bwt

Astanağa Rianna keledi. Ol Astanada ötetin EKSPO-2017 körmesine qatısıp, şeteldik turisterge än salıp bermek. Äp, bärekeldi! Kelsin ğoy, biraq ol tegin kelmeydi. Älemdik sahnalardıñ körigin qızdırıp jürgen bädendi bikeş än salıp bergen eñbegine – 2 million AQŞ dolların alıp qaytpaq.

Tipti, Astana EKSPO-2017 körmesiniñ resmi saytında Riannanıñ öner körsetetin uaqıtı da belgilenipti. Bwl äzirge naqtı emes eken, Rianannıñ än şırqaytın uaqıtı özgerui äbden mümkin.

 

Boljam boyınşa, jartılay jalañaş jürip än aytatın "pop-jwldız" «Astana-Arena» stadionında, otız mıñnan asatın körermenniñ aldında   mädeni-tanımdıq is-şaralar kezinde öner körsetedi. Poh, şirkin! Qaşan? 6 mausımda!

 

Keyinirek belgisiz sebepterge baylanıstı bwl aqparat sayttan öşirilgen.

Tengrinews.kz-tiñ jazuına süyensek, Barbadostan şıqqan änşiniñ keşterin wyımdastırıp jürgen maman Riannanıñ Qazaqstanğa kelip qaytu saparı 1,5-2 millionnıñ töñireginde boladı depti.

Aytpaqşı, Riannadan bölek Astana EKSPO-2017 körmesinde amerikandıq jwldız Steve Aoki öner körsetedi.

Osı twsta ayta keteyik, endi eki-üş aydan soñ Elordada ötetin körmege älemniñ 115 memleketi qatısadı. Şamamen 5 million turist keledi. Olarğa Rianna bastağan birsıpara şeteldik ärtis öner körsetedi.

Riannanıñ kele jatqanın oylasaq köñilde: "Qazaq önerge kende me edi?" degen swraq köldeneñdeydi.  Şetelden keletin 2-3 million turist  jalañ ayaq, jalañ bwt "jwldızdıñ" emes, qazaqtıñ mädenietimen, tilimen, twrmıs-tirşiligimen tanısu üşin keledi emes pe?.. Şeteldik turisterge «mine, qazaqtıñ öneri, mädenieti» dep körseterimiz joq pa?

Älde, änşige jarımay jür me edik?  Arandarı aşılğan "jwldızdardı" EKSPO-nıñ törinde tayrañdatqannan kim  ne wtadı?

Nwrgeldi Äbdiğaniwlı

Abai.kz

9 pikir