بەيسەنبى, 28 ناۋرىز 2024
دەجا ۆيۋ 11581 9 پىكىر 29 ناۋرىز, 2017 ساعات 12:22

الاڭ دا الاڭ الاڭ جۇرت... جالاڭ اياق جالاڭ بۇت

استاناعا رياننا كەلەدى. ول استانادا وتەتىن ەكسپو-2017 كورمەسىنە قاتىسىپ، شەتەلدىك تۋريستەرگە ءان سالىپ بەرمەك. ءاپ، بارەكەلدى! كەلسىن عوي، بىراق ول تەگىن كەلمەيدى. الەمدىك ساحنالاردىڭ كورىگىن قىزدىرىپ جۇرگەن بادەندى بيكەش ان سالىپ بەرگەن ەڭبەگىنە – 2 ميلليون اقش دوللارىن الىپ قايتپاق.

ءتىپتى، استانا ەكسپو-2017 كورمەسىنىڭ رەسمي سايتىندا رياننانىڭ ونەر كورسەتەتىن ۋاقىتى دا بەلگىلەنىپتى. بۇل ازىرگە ناقتى ەمەس ەكەن، رياناننىڭ ءان شىرقايتىن ۋاقىتى وزگەرۋى ابدەن مۇمكىن.

 

بولجام بويىنشا، جارتىلاي جالاڭاش ءجۇرىپ ءان ايتاتىن "پوپ-جۇلدىز" «استانا-ارەنا» ستاديونىندا، وتىز مىڭنان اساتىن كورەرمەننىڭ الدىندا   مادەني-تانىمدىق ءىس-شارالار كەزىندە ونەر كورسەتەدى. پوح، شىركىن! قاشان؟ 6 ماۋسىمدا!

 

كەيىنىرەك بەلگىسىز سەبەپتەرگە بايلانىستى بۇل اقپارات سايتتان وشىرىلگەن.

Tengrinews.kz-ءتىڭ جازۋىنا سۇيەنسەك، باربادوستان شىققان ءانشىنىڭ كەشتەرىن ۇيىمداستىرىپ جۇرگەن مامان رياننانىڭ قازاقستانعا كەلىپ قايتۋ ساپارى 1,5-2 ميلليوننىڭ توڭىرەگىندە بولادى دەپتى.

ايتپاقشى، رياننادان بولەك استانا ەكسپو-2017 كورمەسىندە امەريكاندىق جۇلدىز Steve Aoki ونەر كورسەتەدى.

وسى تۇستا ايتا كەتەيىك، ەندى ەكى-ءۇش ايدان سوڭ ەلوردادا وتەتىن كورمەگە الەمنىڭ 115 مەملەكەتى قاتىسادى. شامامەن 5 ميلليون تۋريست كەلەدى. ولارعا رياننا باستاعان ءبىرسىپارا شەتەلدىك ءارتىس ونەر كورسەتەدى.

رياننانىڭ كەلە جاتقانىن ويلاساق كوڭىلدە: "قازاق ونەرگە كەندە مە ەدى؟" دەگەن سۇراق كولدەنەڭدەيدى.  شەتەلدەن كەلەتىن 2-3 ميلليون تۋريست  جالاڭ اياق، جالاڭ بۇت "جۇلدىزدىڭ" ەمەس، قازاقتىڭ مادەنيەتىمەن، تىلىمەن، تۇرمىس-تىرشىلىگىمەن تانىسۋ ءۇشىن كەلەدى ەمەس پە؟.. شەتەلدىك تۋريستەرگە «مىنە، قازاقتىڭ ونەرى، مادەنيەتى» دەپ كورسەتەرىمىز جوق پا؟

الدە، انشىگە جارىماي ءجۇر مە ەدىك؟  اراندارى اشىلعان "جۇلدىزداردى" ەكسپو-نىڭ تورىندە تايراڭداتقاننان كىم  نە ۇتادى؟

نۇرگەلدى ابدىعانيۇلى

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532