Senbi, 20 Şilde 2019
«Soqır» Femida 2088 6 pikir 29 Naurız, 2017 sağat 23:06

Memlekettik tildi bilmeytinderdi azamattıqtan şığaru kerek

Bügin deputattar jaqsı bir mäseleni köterdi. Olar "Qazaqstan azamattığın alğısı keletinder (bosqındar men özge elden keletin kirmeler) qazaq tili men tarihınan emtihan tapsıruı kerek"  degen wsınıstarın Ükimetke joldadı...

 

Deputattardıñ aytuınşa, älemdegi dağdarıs pen türli elderdegi azamattıq soğıstardıñ kesirinen bosqındar Qazaqstanğa da jappay bas sauğalap kele bastauı mümkin. Elimizge tili men dini, mädenieti bölek elden mıñdağan migranttardıñ baqılausız kelui wlt qauip töndireri haq. Osını Ükimet qaperine salğan mäjilismen Azat Peruaşev birqatar memlekettegi bosqındardıñ qatısuımen bolatın jantürşigerlik mısaldardı keltirdi. Osını eskerip, Qazaqstan qabıldaytın migranttarğa düniejüzilik täjiribege süyene otırıp şart qoyu kerek deydi deputat.

Azat Peruaşev "Azamattıq turalı" zañda emtihan tapsıru turalı norma engizudi wsındı. YAğni, Qazaqstan azamattığın alğısı keletinder qazaq tili men tarihınan jäne Konstituciyanı biluden sınaq tapsıruı tiis.

- Jalpı eñbek migranttarı bolsın memleketke kelgen adamdar birinşiden jergilikti tilin, ekinşiden men zañın bilip, üşinşiden dästürin sıylau kerek dep talap qoyıp otırmız, - dedi ol.

Jalpı, "Aq jol" partiyasınıñ basşısı Azat Peruaşevtiñ wsınısı qwlaqqa siñimdi. Biraq, mwnday talaptı tek bosqındarğa ğana engizip, öz azamattarımızğa erkindik beru - ädiletsizdik.

Mäselen, qazir elimizde qanşama adam memlekettik tildi bilmeytini turalı anıq derek joq. Osını anıqtau maqsatında bükil qazaqstandıqtardan emtihan alıp, memlekettik tildi biludi mindetteu kerek. Jası 40-qa deyingilerden qazaq tilin bilmeytinderdi azamattıqtan ayıru qajet. Sebebi, qazaqtıñ nanın jep, auasın jwtqan adam onıñ tili men tinine qwrmet körsetui tiis. Eger de qwrmet körsete almaydı eken, özi qalağan eline ketsin. Memlekettik tildi bilmeytin azamattıñ memleketke qajeti joq.

Siz ne deysiz?

Şäriphan Qaysar

Abai.kz 

6 pikir