Beysenbi, 22 Tamız 2019
Aqmıltıq 1907 3 pikir 24 Säuir, 2017 sağat 10:33

Kedeylikten kerenaulıq qauipti!

Nesiege  üy aluğa eş mümkindigi joq jastarğa, qanday jobamen bolsa da, baspana twrğızıp berudiñ jolın qarastırıp jatqandar bolsa, oğan halıqtıñ alğıstan basqa aytarı bolmas dep senemin.

«Baylar, han sarayına bergisiz kotedjderde twrıp jatqanda, jastarğa jataqhanağa bar?!»- degenimiz wyat. deytin şığar. Alayda, bir tünep şığatın jer tappay, janı qinalıp jürgen jandar üşin, jataqhana bolsa da, əyteuir bir, bas swğatın jer tabılsa, bayıñız ben kedeyiñizdiñ arasındağı bügingi küngi əleumettik teñsizdikke baylanıstı qalıptasqan köñil-küy belgili bir dərejege deyin bəseñsiydi. Barar jer, basar tauı qalmağandar üşin, sizdiñ baylarıñızdıñ qat-qabat üyleriniñ qwnı bes tiın,- bılay aytqanda, bar-joğı birdey. Jirenşe şeşen aytqanday, oğan öziniñ «Qayran meniñ öz üyim – keñ sarayday boz üyiminen» artıq eş nərse bolmaq emes.

Bwqarasın eki tapqa bölip, «bar» men «joqtı» közge şwqıp körsetip otırğan memleket jwrttı osığan köndirdi. Alayda, osıdan jataqhanada tuıp, jataqhanada ösken qazaqtıñ namısı ölip ketedi-au degenge men öz basım senbeymin. Kerisinşe, olardıñ azamattıq ruhı qwl wstap, küñ jwmsağan talay şonjarıñdı dalada qaldıradı. Qazaqtıñ nebir mıqtı azamattarı jertöleden örgen. Erge kedeylik sın emes. El basına kün tuğan sətte bwğıp qalsa – sol sın!!!

Qazir «Ieliginde jeri joq, Otan dep nesin qorğaydı» degen tüsinikti ornıqtıruşılar bar. Bwl da – tübegeyli qate wğım.  Jer memlekettik şegara işinde, meyli, ol kimniñ menşiginde twrmasın, «OTAN!» dep qorğaluğa kerek. «Menşik» keledi-ketedi,- al, JER qaladı. Onda kedeydiñ de baydıñ da ülesi bar. Şart – baylıqqa jetu emes, şart – janıñdı salıp, keler künderdiñ esebinen, eliñ men jeriñdi qorğau. Eliñ aman, jeriñ bütin bolsa, baylıq degeniñiz – osı. qalğanı – dalbasa!!!

Qalıñ bwqarağa köptiñ keregi joq,- baspana məselesiniñ şeşilu joldarı jeñildetilse – sonıñ özi ol üşin ülken jetistik. Sondıqtan da, men Mäjilis deputatı Azat Peruaşevtıñ wsınısı osı məselelerdi şeşudiñ alğışartı dep qabıldaymın! İske sət !!!

«Altau ala bolsa, auızdağı ketedi»,- dep şırıldap, altı alaştı biriktirmek bolğan niet, endi, bir qazaqtıñ işin rettey almaytınday bolsaq, eldigimiz qaysı? Basqa tüskendi köre jürip, oyqıl-şoyqıl jerlerimizdi tüzete beruimiz kerek. Basımızğa əñgir tayaq ornatqandardıñ biri Hruşev bolsa, eske tüskende, boqtap-boqtap qoyıp, sol salğızğan quıqtay üylerdi panalap otırğan qanşamız bar. Qanağat! Sol «QANAĞAT» tübi dalada qaldırmaydı qazaqtı. Tek, jas jetkinşektarimiz jauın-şaşınnıñ astında köşe aralap, baspanasız jürmesin. Meniñşe, Peruaşev wsınıp otırğan JOBA – osı.» Bwl kisi Peruaşevtı nağıp qolday qaldı»,-dep, tañırqanbañız. Kim ne aytsa da, aqılğa siyatınday bolsa, jalğan namıstı ısırıp tastau kerek te, istiñ igilikti jağın qarastırğan jön. Qalğanı bir Allağa amanat!!!.

Kedeylikten göri kerenaulıq qauipti!!! Sergek bolayıq, ağayın!!!

Ayswlu Qadırbaeva

Derekközi: qazaquni.kz

Abai.kz

3 pikir