Seysenbi, 7 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Birlik 2358 12 pikir 22 Mausım, 2017 sağat 03:22

Äuejayğa Elbasınıñ atı berilui turalı. Eldiktiñ kelisti körinisi

El tabaldırığı ädette äuejaydan bastaladı. Qay elge bağıt alğanda da aldımen el astanasınıñ äuejayı ataladı, sol äuejaydıñ atauın jadımızda jattap qalamız. Sondıqtan da Ükimettiñ Astananıñ halıqaralıq äuejayına Nwrswltan Nazarbaevtıñ atın beru turalı qaulısı bwl nısannıñ el ömiri üşin de, eldiñ älemdegi ornı üşin de qandaylıq erekşe mäni bar ekenin döp basudıñ körinisi dep bilemiz.

Bwl şeşimniñ orındılığın däleldep şarşap-şaldığudıñ jöni de joq. Bizdiñ el retinde qaz basuımızdan bastap, qalıptasuımız, qanat qataytuımız, Qazaqstan qıranınıñ älem aspanına parlap wşuı, alıstı da, jaqındı da moyındatuı, eren isterdi atqaruımız, ekonomikamızdıñ quattanuı, halıqtıñ äl-auqatınıñ artuı, jahandıq, jalpıadamzattıq mañızdı mäselelerdi şeşuge tikeley aralasatın,  qiın tüyinderdi tarqatuğa tikeley ıqpal ete alatın mığım memleketke aynaluımız ... – qısqası, el boluımızdıñ, el bolğanda da şirek ğasırlıq uaqıttıñ işinde aldımen älemdegi damığan elu eldiñ qatarına qosıla alğan, ol belesti bağındırğan soñ ozıq otızdıqtan oyıp orın alu mindetin oydağıday şeşip kele jatqan eñseli el boluımızdıñ bastauşısı, wlttı wlı maqsattarğa wyıstıruşı Elbasımız Nwrswltan Äbişwlı Nazarbaev ekendigin aytıp jatudıñ özi büginde artıq. Sondıqtan da Parlament deputattarı Täuelsizdiktiñ  25 jıldığı Deklaraciyasında Twñğış Prezident – Elbasınıñ eren eñbegin Konstituciyada atap körsetu, Nwrswltan Nazarbaevtıñ esimin eldiñ aytulı nısandarında ayşıqtau qajettigin wsınğan bolatın. Köptiñ kökeyinen şıqqan ol wsınıstar jüzege asa bastağanı quantarlıq.

Älemde äuejaylarğa äygili twlğalardıñ atın beru täjiribesi talaydan bar. Bwğan mısal jetkilikti. 57 elde boldım. Keybirine ğana öz betimmen bardım. Bärine derlik soñğı şirek ğasır işinde jurnalist retinde jol tüsti, yağni el köru, jer körudiñ mol mümkindigi täuelsizdik jıldarında ğana aşıldı. Sonda köptegen elderde osınday qwrmet körsetu mısaldarına jolıqtıq. Onday äuejaylar tizimin Napoleon atındağı, Ben-Gurion atındağı, Atatürik atındağı, Vaşington atındağı, Frederik Şopen atındağı, Dalles atındağı, Kopernik atındağı,  Leh Valensa atındağı, Mocart atındağı, Djon Lennon atındağı, Sent Ekzyuperi atındağı, Geydar Aliev atındağı, Djon Kennedi atındağı, Indira Gandi atındağı, Federiko Fellini atındağı, Hose Marti atındağı, Hristofor Kolumb atındağı, Şarl'-de-Goll' atındağı ... dep jalğastıra beruge boladı. Tek memleket basşılarınıñ atımen atalğan äuejaylardıñ sanınıñ özi otızdan asadı eken. Demek, Ükimettiñ bwl şeşimi – uaqıtı jetken, örkeniettik ürdisinde qabıldanğan, asılımızdı ardaqtaytın, basımızdağı baqtı bağalaytın el ekenimizdi kemel körsetetin kelisti şeşim.

Nwrswltan Nazarbaev halıqaralıq äuejayına alğaşqı qonaqtar  qasietti Qadir tüninde kelgeni qandaylıq ğanibet boldı deseñizşi!

Sauıtbek ABDRAHMANOV, Parlament Mäjilisiniñ deputatı, Qazaqstan halqı Assambleyası deputattıñ tobınıñ basşısı

12 pikir