Seysenbi, 7 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Dep jatır 12041 42 pikir 23 Mausım, 2017 sağat 09:19

Astanamızdıñ atın "Nwrswltansalğan" dep atau kerek

Astana qalasınıñ atın özgertu mäselesine qazaq jastarı da ün qosa bastadı. Belgili aqın, rejisser Baltabek Nwrğaliev Facebook äleumettik jelisinde Astana qalasınıñ atauın "Nwrswltansalğan" dep auıstırudı wsınıp, zamandastarınan wlağattı wsınıstar kütetinin jazıptı. Jas aqınnıñ bwl wsınısı qanşalıqtı orındı? Onı oqırman qauım ayta jatar. 

Abai.kz aqparattıq portalı

Qwrmetti, dostarım!

Astanamızdıñ atın "NWRSWLTANSALĞAN" dep atau jöninde pikir ayttım. Sizderden de wlağattı wsınıstar kütip edim, nelikten kidirip jatırsızdar?

Bwl wsınıstı jasauıma birneşe baysaldı sebepter bar:

1. Erligi eñseli, eñbegi eren Elbasımız Nwrswltan Äbişwlı Nazarbaevtıñ tuğan jeri Almatı oblısındağı Şamalğan auılı ekenin bärimiz bilemiz. Sol auıldıñ atına säykestendirip, oraylastırıp oy tüygenmin. «Şam», «alğan» degen eki sözdiñ biriguinen qwralğan ğoy auıl atauı. Sol sekildi men de «Nwrswltan» jäne «salğan» degen eki wğımdı wlağatpen biriktire bildim.

2. «Öleñ – sözdiñ patşası, söz sarası, Qiınnan qiıstırar er danası... Tilge jeñil, jürekke jılı tiip, Tep-tegis jwmır kelsin aynalası!» dep Abay babamız aytqanday, NWRSWLTANSALĞAN – keremet köteriñki köñil küyde aytılatın asıl söz! Wlı söz! Mäñgilik Eldiñ mağınalı mwratı! Rasımen, «tilge jeñil, jürekke jılı» söz! İşiñizden izgi niettenip, qazirgi Astana kelbetine qarap twrıp, osı ataudı birneşe märte qaytalañızşı! El perzenti retinde ğalamat swlu sezim bileydi janıñızdı! Şın tebirenesiz! Aqınjandı el emes pe edik? Är azamat aqınjandılıqpen aytsın Er Esimin! Sol kezde köz jetkizesiz bärine! Jürek ünin tıñdañız! Ol aldamaydı.

3. Bwl sözdi estigen özge elder bizdiñ Elbasımızğa degen igi qwrmetimizden imenetin boladı. «Biz nege qazaq halqı sekildi sanalı, salauattı emespiz...» dep bizge qarap, boy tüzeydi, oy tüzeydi. Auızbirşiligimizden ayaq tartadı ğoy.

4. «Astana atın özgertudiñ eş qajeti joq! Astana atauın bäri biledi. Bwl – bayağıdan qalıptasqan brend» deytinderge aytarım – QAJETİ BAR! Sebebi, Astanada ötkizilgen qanday da bolmasın berekeli bastamalardıñ, şwğılalı şaralardıñ barlığınıñ bir jebeuşisi, bir qamqorşısı Elbasımız Nwrswltan Äbişwlı Nazarbaev ekenin düyim düniejüzi jaqsı biledi. Älemdik oymen biz ädep saqtay otırıp, sanasuımız kerek. Älem üşin – Elbasımızdıñ Esimi – BÄRİNEN BIİK BREND! Qanday sayasi salmağı bar bayandı bastamalardıñ barlığı Elbası oyşıldığınıñ, Elbası danalığınıñ dara jemisi. Oy küşi – Älemdegi eñ orasan küş! Igilikti ideyalardı oylap tauıp, olardı jüzege asıru – eñ abıroylı is! Elbasımız Astana tınısın keñeytip, el mereyin üstem qıluda öziniñ öte zor oy qajırın, qiyal qayratın sarp etti. Tünde wyıqtamadı, kündiz külmedi! Osı ozıq oylı Elbasımızdıñ esimin wlıqtap, Wlı Daladağı Astana atauın Nwrswltan Äbişwlınıñ abıroylı atımen baylanıstıru – biz üşin baqıt!

5. Bwl – Qwdaydıñ bwyrığı! Alla-tağalanıñ: «Patşalarıñ – meniñ jerdegi elşilerim. Qwrmettep, qasterleñder! Qadirin biliñder!» dep bizge amanat etkenin aldıñğı jazbamda aytqan edim ğoy! Abay baba endi birde: «Änniñ de estisi bar, eseri bar!» deydi. Al, aqın Nwrlan Orazalin Ağamız bir jırında: «Eser wlğa esti baqıt qonbaydı!» dep tolğanadı. Basımızdağı baqıtımızdıñ bağasın, qadirin bilip, birauızdan osı wsınıstı qabıldağanımız abzal! Ädildik änin şırqauğa nege jasqanamız? Täuelsiz el emespiz be? Eserligimizdi emes, estiligimizdi paş etetin sät tudı, halayıq!

Baltabek Nwrğaliev

Abai.kz

42 pikir