Jeksenbi, 24 Mausım 2018
679 0 pikir 13 Qırküyek, 2017 sağat 10:16

Özbekstanda dini sebeppen sottalğandar bostandıqqa şığuı mümkin

Özbekstanda dini sebeppen sottalğan adamdardıñ tuıstarı türmeden hat-habar ala bastağan. Onda jazanı orındau mekemesiniñ äkimşiligi sottaluşılardıñ jaza merziminiñ ayaqtalatını jöninde habarlap, tuıstarın türmeden alıp ketulerin swrağan.

Bwl jöninde ändijandıq qwqıq qorğauşı Saidjahon Zaynobiddinov habarladı. Onıñ sözderinşe, Özbekstanda mwnday täjiribe birinşi ret jüzege asıp otır.

"Abaqtıda tuıstarı otırğan adamdarmen tikeley söylestim. Olar jazanı orındau mekemesi äkimşiliginen hat alğan. Onda dini sebeppen 2000 jıldan beri türmede otırğan azamattardıñ bostandıqqa şığatını habarlanğan. Bwl hatta sottaluşılardıñ tuıstarına özderi kelip, abaqtıdağı wldarın alıp ketudi swrağan", – deydi ändijandıq qwqıq qorğauşı.

Osığan deyin özbek biligi "qara tizimdegi" azamattardıñ isin qayta qarap jatqanı jöninde habarlanğan. Jergilikti BAQ-tıñ jazuınşa, Özbekstanda 17 mıñ "qara tizimdegi" adamdardıñ 16 mıñı qauiptiler qatarınan alınıp tastalğan.

Abai.kz

0 pikir