Jwma, 29 Mamır 2020
COVID-19 QAZAQSTANDA. Jwqtırğandar — 9576. Jazılğandar — 4900. Qaytıs bolğandar — 37
Kübirtke 10892 55 pikir 17 Qırküyek, 2017 sağat 12:38

Boqauov memlekettik tildi qorğamağanı üşin tarihta qaladı

Keşeli beri täuelsiz BAQ pen äleumettik jeliniñ nazarı Kerekuge audı. Zatı twrmaq atı äli Pavlodar atalıp kele jatqan qalanıñ twrğını, belgili qoğam belsendisi, til janaşırı Ruza Beysenbaytegi memlekettik tilde habarlandıru jasamağanı üşin tramvaydıñ jolın jappaq boldı. Al, jergilikti äkim-qaralar belsendiniñ auzın jabu üşin qolınan kelgenniñ bärin jasap jatır.

Oqiğa bılay bolğan. Ruza Beysenbaytegi qaladağı 7 tramvay konduktorınan qazaq tilinde habarlama jasauın talap etken. Al, 7 tramvaydıñ jürgizuşisi "Qazaq tili nege kerek?" dep dürse qoya bergen. Ruza Beysenbaytegi odan auır sözderdi de estigenin aytadı. Bwğan şıdamağan belsendi tramvaydıñ jolın jappaqqa ärekettenedi.

Ruza Beysenbaytegi, qoğam belsendisi: 

- Men keşe ne isterimdi bilmedim. Tramvaydıñ jolın jappaqşı edim, meni qazaqqa belgili Rısbek Särsenbaywlı sekildi twlğalar rayımnan qaytardı. Bwl bügin ğana bastalğan is emes. Men ılği da Pavlodarda osınday ädiletsizdiktiñ qwrbanı bolıp kelemin. 22 qırküyekke qaray Astanadan, Almatıdan meni qoldaytın qoğam belsendileri kelmek. Oblıs, qala äkimderimen solar da söylesip, qaladağı tildiñ jayına qatıstı öz narazılıqtarın bildiredi. 

Meni küydirip otırğan mäsele mınau. Äkimdiktegiler "tramvaydıñ jolın japsañız, Sizdiñ  üstiñizden qılmıstıq is qozğaladı" deydi. Al, endi "qazaqtıñ tili nege kerek?" dep memlekettiñ zañın, memlekettiñ tilin pısqırmağan adamdı, qala berdi mekemeni jauapkerşilikke tartuğa qauqarsız. Men özimniñ jeke basımnıñ mäselesin aytıp otırğan joqpın. Äkimdiktegiler meni keketip: "Tarihta qalğıñız kele me?" dedi. Men emes, tilin, tinin qorğay almağan Pavlodar oblısınıñ äkimi Bolat Boqauov, Pavlodar qalasınıñ äkimi Nwrjan Äşimbetov tarihta qaladı. Osını nege tüsinbeydi, olar. 

Äkimdiktegiler mağan tağı hat jazıñız deydi. Men osı uaqıtqa deyin Kerekudegi til mäselesine qatıstı 52 hat jazğan adammın. 53 hattı jazuğa qwlqım joq. Bäribir eşteñe özgermeydi. 

Almatı, Astananıñ belsendileri kirispey, bwl mäsele şeşilmeytinine köz jetkizdim. 

Meni Tramvay mekemesi erteñge şaqırıp otır. Osıdan biraz uaqıt bwrın osınday uaqiğa bolğanda menen keşirim swrağan edi de, isti jılı jauıp qoya salğan. Bwl jolı da ana jürgizuşini qızmetten alıp, menen keşirim swramaq oyları bar siyaqtı. Endi keşirim jasay almaydı ekenmin. 

Men Rısbek Särsenbay sekildi kisilerdiñ sözine ğana toqtadım. Qazaqstannıñ belsendileri osı jolı Pavlodarğa kelip, öz oyların ortağa salmasa, men keler jolı oyıma alğan isten tayınbaymın. 

Ruza Beysenbaytegi bizge osını ayttı. Batır qızdıñ janayqayına Boqauov pen Äşimbetov ne der eken? Solar basqarğan eldimekende qarapayım tramvay jürgizuşiniñ özi memleketke, memlekettiñ sayasatına, memlekettiñ tiline qarsı. Osı uşıqqan jaranıñ betin aşqan Ruzanı marapattaudıñ ornına qılmıstıq is qozğamaq bolıp jürgen olardıñ ne oylağanı bar?

Biz erteñ Boqauovtan pikir aluğa tırıspaqpız. Onıñ da aytar oyın saytımızda jariyalaytın bolamız.

Şäriphan Qaysar

Abai.kz

55 pikir