Memleket basshysy Núrsúltan Nazarbaevtyng «Bolashaqqa baghdar: ruhany janghyru» atty maqalasyn tәuelsiz qazaq elining bolashaghyna baghyt-baghdar beretin asa manyzdy qújat dep qabyldadym. Últ Kóshbasshysy týbi - týrki, minezi - jylqy, últy - qazaq, ruhy - azat Úly dala úrpaqtaryna qanmen berilgen tektilik pen namys atty qasiyetterdi saqtay otyryp, enbek pen bilimning arqasynda ghana janarugha jol ashylatynyn naqty qadamdardyng baghdarlamasyn úsyna otyryp jetkizgen. Elbasy últtyq bolmys jәne halyqtyq mәdeniyet mәiegimen tynys alatyn ÚLTTYQ KOD mәselesine erekshe nazar audarypty. Últtyq kod degenimizding ózi tughan til, salt - dәstýr, el tarihy desek, osy ruhany qúndylyqtarymyzdy joghaltpau arqyly ghana órkeniyetke tolyqqandy jetuge mýmkindigimiz bar ekendigin aitqan Elbasynyng el bolashaghyna alandaushylyghyn da angharu qiyn emes.

Búl qújatta bizderge, jurnalister qauymyna, jana zaman talabyna say aqparattyq kenistik qalyptastyru isi tapsyryldy. «Qazaq «Tughan jerge tuyndy tik» dep bekerge aitpaghan. Patriotizm kindik qanyng tamghan jerine, ósken auylyna, qalang men ónirine, yaghny tughan jerine degen sýiispenshilikten bastalady. Sondyqtan men «Tughan jer» baghdarlamasyn qolgha aludy úsynamyn»,- degeni jastardy patriottyq ruhta tәrbiyeleude býgingi zaman talabynan tuyndaghan úsynys der edim. Ásirese shetelden júmaq izdep ketip jatqan jastargha oy sala otyryp, tughan jer, Otan, ata-ana aldyndaghy paryz ben qaryzdy jastardyng boyyna sinirip, sanasyna silkinis әkeletin qadam dep oilaymyn. Ata-babamyz aq nayzanyng úshymen, aq bilekting kýshimen qorghap, býgingi úrpaghyna aman-esen jetkizgen Atamekenge adaldyq iydeyasy dep qabyldadym.

Osy rette ózime erekshe әser etken myna bir oqighany bayanday ketkim kelip túr: Semeyde tuyp, búl kýnderi astanalyq bolyp ketken bir qúrbym perzenthanada tughan nemeresining kindigin dәrigerden súrap alyp, nәreste dýnie esigin ashqannan keyin «Úrpaghymnyng kindigi atajúrtyna baylauly bolsyn, Otanyn, tughan jerin sýiip óssin degen yrymmen ata-babasy, ata-әjesi tughan topyraqqa kómuge berip jiberdim» degenin estigende, sýisinip túryp, Atajúrtqa adal boludy ananyng sýtimen, әjening әldiyimen, besikting jyrymen boyyna sinirgen úrpaqtyng tughan jerining tuyn joghary ústar adal perzenti bolaryna kýmәnim joq degen edim. Elbasymyz aityp otyrghan ÚLTTYQ KODTYNG negizi de osy bolsa kerek.

Riza Moldasheva,

Shyghys Qazaqstan oblystyq mәslihatynyng deputaty

Abai.kz