Seysenbi, 2 Mausım 2020
COVID-19 QAZAQSTANDA. Jwqtırğandar — 11308. Jazılğandar — 5587. Qaytıs bolğandar — 41
Körşiniñ köleñkesi 3865 5 pikir 27 Qırküyek, 2017 sağat 15:11

Türik mwğalimderi Qazaqstannan sayasi baspana swray bastadı

Elbası Nwrswltan Nazarbaev elimizdegi türik liceylerin jabuğa qarsı bolıp, resmi Türkiya biliginiñ birneşe märte betin qaytarğanı belgili. Qazaqstannıñ jastarına sapalı bilim bergen oqu orındarına degen resmi Astananıñ dwrıs közqarası eki el arasındağı sayasi mäselelerdi kürdelendirip jiberui mümkin ekeni osığan deyin birneşe ret aytılğan. Sol söz rasqa aynalatın türi bar.

Pavlodardağı "Bilim-Innovaciya" licey-internatınıñ (bwrınğı qazaq-türik liceyi) Türkiyadan kelgen eki mwğalimi Qazaqstannan sayasi baspana berudi swraydı. Bwl turalı Facebook äleumettik jelisinde Älibek Smayılov degen azamat habarladı.

Onıñ aytuınşa, oğan Demirel' Osman men Altınşaş Isa attı eki Türkiya azamatı ötiniş jasağan. Olar köp jıldan beri Qazaqstanda qızmet etip kele jatır eken, olar jıl sayın özderine berilgen (otbasımen birge) vizaların wzartıp kelgen. Biıl sol vizalardı wzartuğa şekteu qoyılğanğa wqsaydı.

Sondıqtan da, viza ala almay otırğan Demirel' men Altınşaş Qazaqstannan sayasi baspana swrap, köp uaqıttan beri Qazaqstanda twratındıqtarın, eşqaşan da bwl eldiñ zañın bwzbağandıqtarın alğa tartadı.

Ärine, bwl eki türik azamatınıñ ötinişi ğana deuge bolar. Biraq, bwl eki adamnıñ artında Qazaqstanda jwmıs istep ketken mıñdağan mwğalimder twrğan joq pa? Eki wstazğa sayasi baspana bersek, Türik biligi özine jau sanap otırğan "Qızmet" wyımınıñ bar serkeleri Qazaqstanğa ağılmay ma?

Elimizdegi qazaq-türik liceylerin saqtap qalu - öte dwrıs şeşim. Qazir atauı da, zatı da özgergen ol mektepter sayasattıñ qwralına aynalıp ketpeui kerek. Bizdiñ aytarımız osı.

Kemel Janbaev

Abai.kz

5 pikir