Tórtkýl dýniyege taryday shashylghan, әy qazaq balasy! Qytaydaghy qandasynnyng jayy seni oilandyrmay ma? Eshbir kinәsi joq qazaghyng temir torgha toghytylyp, keybiri "ózine-ózi qol júmsady" degen syltaumen ómirimen qoshtasyp jatyr. Shekaradan beri óte almaytynyn bilip, qanshama qandasyng ah úryp, ókinishpen ózegin órteude. Býkil әlemdegi qazaqtyng arqasýieri sanalatyn Qazaq biyligining ózi Qytaydyng ishki sayasatyna aralasa almay tyghyryqqa tirelip túr. "Múnday jay basqa elde bolmaydy" dep aita alasyng ba?

Ey, qazaq balasy! Esindi ji! Sen bәlkim Monghol elinde túryp jatqan bolarsyn! Altay ata mekening ekenine shýbә keltirmeymin. Keshegi Ospan, Zuqalar qanymen de, janymen de qorghaghan sol bir qasiyetti ólkeni tastap, qazirgi qazaq eline qosylar kýning tudy. Búl kýn qansha úzaqqa sozylary bir Allagha ayan. Monghol biyligine qapelimde bir zúlym basshy kelse, býgingi Qytaydaghy qazaqtyng taghdyry sening basyna tumasyna kim kepil? Áriyne, tughan jerdi, býkil ómirinning ystyq estelikterin qiyp tastau - qiyn. Osy bir qiyndyqty er bop kóterip, óz ýiirine qosylmasan, bir tal dәnindi bolsyn, qazaq jerine ege almasan, sening qazaqtyghynnan qayyr joq. Mongholdy bylay qoyyp, erteng orys sayasaty betin teris berse, qazaq eline úshyp jeter qanatyng bolmay zar enireuing әbden mýmkin.

Ey, Omby men Orynborda, yaky Reseyding týpkir-týpkirinde jýrgen qazaq balasy! Sening tiling orys bolghanynmen, janyng qazaq! Senderding de týp qotaryla elge qosylar, qazaqtyng tili men dinin boyyna sinirer kezing jetti. Bú túrlauy joq ghúmyrda kók kóz aghayynnan jaqsylyq kelmesi bayaghyda belgili bolmady ma? Qazaqtyng elin otarlau ýshin babalaryndy qynaday qyrghan elden irge suytyp, qazaq bolugha qadam jasa. Orys biyligi syrtyn berse, sening úrpaghyng mýldem qazaqtyqtan ketui mýmkin. Qytaydaghy jaghday basyna tónse, qaruly orys eline qarsy túryp, qazaq saghan pana bola almaydy. Pana qajet bolsa, qazir tap!

Ey, Tashkent pen Nýkistegi aghayyn! Ózbek óz agham! Óz agham bolsa da, shanyraghy bólek, ústanymy ózge memleket. Qúdaygha shýkir, tәuelsizdik alghaly eng kóp qandasymyz Ózbekstannan keldi. Sol bir kóshti toqtatpay, sender de aghylyndar! Endi artqa qaraylaytyn eshtene qalghan joq. Erteng sayasat qalay bolaryn boljau qiyn. Býgin mýmkindik bar ma, qazaq bolghyng kele me, úrpaqtarynnyng jýregi qazaq dep soqsyn deysing be, toqtama! Biz ýshin Nýkisting qaraqalpaghy da - qazaq! Qaraqalpaq aghayyn sen de betindi qazaq eline búr... Shekaradan beri ót. Az qazaghynnyng sanyn kóbeyt. Ós, ón!

Ey, Europa qazaqtary! Tiling men salt-sanang ózgergen bolar, bәlkim! Jaghdayyng jaqsy, qaltang toq shyghar! Sonda da bir balang bolsa da, tarihy Otanyna jiber! Erteng jútylyp joq bolyp ketking kelmese, qazir oilan! Búl jýz jylda bir búiyrar jylymyq kezen. Osy kezende kóship kele almasan, sen qazaq emessin. Qazaq bolyp qala almaysyn!

Qytay sayasatyna qarap, jýregimiz auyrar. Qytayda jazyqsyz qamalghan qandastargha qol úshyn soza almaytynymyzgha ókinip, zar jylap jatqan bolarmyz. Ol jylaghan jýrekti júbatatyn jalghyz qadam әlem qazaqtaryn elge shaqyru dep bilemin. Bizding tәuelsizdik alghaly beri hanzu elindegi bar qazaqty elge kóshirip alar mýmkindigimiz boldy. Sol mýmkindikti memleket te, Qytaydaghy qazaqtar da uysynan shygharyp aldy.

Endi osynday ókinish bolmauy ýshin jer sharyndaghy әr qazaq býginnen bastap atqa qonuy qajet!

Siz ne deysiz?

Qanat Birlikúly

Abai.kz