Beysenbi, 19 Şilde 2018
Alañ 2783 28 pikir 13 Qaraşa, 2017 sağat 08:10

Alaş jolı. Bilikke bes talap

«Alaş jolı» qozğalısı» Respublikalıq qoğamdıq birlestigi «Jer tağdırı», «Halıq birligi» qoğamdıq birlestigimen birlese otırıp, Qazaqstan Respublikasınıñ Prezidenti Nwrswltan Nazarbaevqa, Parlament Senatınıñ törağası Qasımjomart Toqaevqa, Parlament Mäjilisiniñ törağası Nwrlan Nığmatulinge, Prem'er-ministri Baqıtjan Sağıntaevqa naqtı bes talap qoyadı.

1-TALAP:

Qazaqstannıñ auılşaruaşılıq jerleri bügingi küni türli joldarmen qazaqstandıqtarğa da, şeteldikterge de satıluda jäne jalğa da berilip jatır.

Ötken jılı Prezident Nwrswltan Nazarbaev «Halıqqa wnamaytın zañnıñ keregi joq bizge», - dep, QR Jer kodeksine halıq wsınğan, halıq qalağan özgerister men tolıqtırular engizudi QR Ükimeti men Parlamentine tapsırğan bolatın. Biraq, Prezidenttiñ bwl tapsırması orındalğan joq.

Sondıqtan, «Auılşaruaşılıq jerleri qazaqstandıqtarğa da, şeteldikterge de satılmaydı. Şeteldikterge jalğa da berilmeydi», - degen bap QR Konstituciyasına da, Jer kodeksine de engizilsin.

2-TALAP:

Qazaqstanda adam öltirgender de, jemqorlar da, paraqorlar da jazasız ketip nemese keşirim jasalıp, merziminen bwrın qamaudan bosatıluda.

Biraq, biliktiñ, Prezidenttiñ, sottıñ «meyirim-şapağatı» sayasi quğın-sürginge wşırağan azamattarğa jetpey keledi. Bwl jağday özin demokratiyalıq, qwqıqtıq memleket dep sanaytın Qazaqstan üşin jol beruge bolmaytın, orın almauı tiis jağday.

Sondıqtan, Maks Bokaev, Talğat Ayan, Mwhtar Jäkişev, Aron Atabek, Vadim Kuramşin bostandıqqa şığarılsın.

3-TALAP:

Jıldar boyı ekinşi därejeli jeke menşik bankter memleketten asa iri kölemde qarjı alıp keledi.

Basqanı aytpağannıñ özinde BTA bank pen Kazkommercbanktıñ Wlttıq qor men Zeynetaqı jinaqtauşı qorınan alğan birneşe trillion teñgesin eske alsaq ta jetkilikti.

Bankterge berilgen qarajat jalpı halıqtıñ nesibesi, jinağan qarjısı, tölegen salığı ekeni anıq. Halıq esebinen jeke menşik bankterdiñ qarızı jabılıp, olarğa asa iri kölemde kömek körsetken jağdayda, bankter de halıqqa kömek qolın sozuı tiis. Ol turalı arnayı jarlıq şığarılıp, zañ qabıldanuı tiis. Bwl wsınıstı azamattar är kezde köterip keledi.

Sondıqtan, Prezident, Ükimet jäne Parlament Qazaqstan azamattarı alğan 1 (bir) million teñgege deyingi nesiege bir rettik amnistiya jariyalau turalı şeşim qabıldasın.

4-TALAP:

Qazaqstan şirek ğasırdan asa uaqıt täuelsiz, derbes memleket retinde qalıptasıp jatsa da memlekettik tildiñ qoldanıs ayasın keñeytip, märtebesin arttıruda naqtı jetistikterge qol jetkize almadı.

Sonımen birge Prezident Jarlığımen latın äripin paydalanu isi bekitilip, bastaldı. Biraq, Konstituciyada jazılğanday memlekettik wyımdarda jäne jergilikti özin-özi basqaru organdarında orıs tili resmi türde qazaq tilimen teñ qoldanılatın bolsa onda latın äripin engizudiñ eş qajettiligi bolmaydı. Bwl bap memlekettik tildiñ damuına da, latın äripiniñ keñ qoldanısqa engiziluine de jol bermeydi.

Sondıqtan, QR Konstituciyasınıñ 7-babınıñ 2- tarmağı alınıp tastalsın.

5-TALAP:

Qazaqstannıñ sırtqı qarızdarı Karim Masimov Ükimetti basqarğan jıldarı eselep arttı.

Auılşaruaşılıq jerlerin şeteldikterge satu nemese jalğa berudiñ, onıñ işinde jerdiñ qıtay kompaniyaları men olardıñ qatısuımen qwrılğan seriktestikterdiñ qolına ötuine Karim Masimovtıñ tikeley qatısı boluı mümkin.

Bwğan qosa Franciya prokuraturası Karim Masimov Airbus Group kompaniyasınan 12 mln evro para aldı dep qılmıstıq is qozğadı.

Sondıqtan, Karim Masimov qızmetinen alınsın!

Osı bes talap turalı Prezident, Ükimet, Parlament öz jauaptarın, wstanımdarın 01 jeltoqsan 2017 jılğa deyin resmi türde jariyalauı tiis.

Olay bolmağan jağdayda 17 jeltoqsan 2017 jılı jalpıhalıqtıq beybit miting wyımdastıru turalı bastama köterilui mümkin.

Bwl şeşimdi «Alaş jolı» qozğalısı» Respublikalıq qoğamdıq birlestiginiñ Basqarması «Jer tağdırı», «Halıq birligi» qoğamdıq birlestigimen birlese otırıp qabıldadı.

Abai.kz

28 pikir