Düysenbi, 16 Qırküyek 2019
Bizdiñ şeneunik 5199 30 pikir 15 Qaraşa, 2017 sağat 09:57

Zağipalar qazaq tilinen nege bezindi?

Zağipa Balieva mektepte qanday pänderdi şet tilinde oqıtu kerektigin oquşılardıñ özderinen swraudı wsınıp, qazaq ädebietin ağılşın tilinde ötkizu turalı tıñ ideya ayttı.

Onıñ oyınşa fizika, himiya sekildi kürdeli pänderdi ağılşınşa oqu balalarğa öte qiındıq tuğızatın körinedi.

«Bala pändi ana tilinde äreñ tüsinip, 12%-ğa ğana meñgerse, onda ol ağılşın tilinde qalay oqidı? Onda onıñ pändi igeru körsetkişi bwdan da tömen degen söz. Mümkin, balalarmen äñgimelesip, qanday pändi ağılşın tilinde oqıtu kerektigin özderinen swrau kerek şığar. Bala ağılşınşa söylep, mağınasın tüsinip üyrenui kerek. Mümkin, ädebiet nemese qazaq ädebietin ağılşın tilinde bersek? Bälkim, sol kezde oquşı onı tüsinip, sol tilde söyleytin boladı. Al mına formulalar, Om zañı oğan ömirde tük te qajet emes. Biz tehnikalıq mamandardı az dayındaymız. Äri ketse 5 payız ğana şığatın şığar», - deydi Balieva.

Balieva mwnı şeteldegi äldebir adamdardıñ tikeley efirge şığar aldında eldiñ nazarın basqa jaqqa bwru üşin aytıp otır ma? Joq, şeneunik hanımdıñ bar bileri osı ma?

Ministr qazaq tili men ädebietin biriktirip oqıtam dep bir aljastı. Wlttıq birıñğay testileuden qazaq tilin alıp tastamaq bolıp tağı büyrekten siraq şığardı. "Älippe", "Ana tili" degen pänderdiñ közin qwrtpaq bolıp, "sauat aşudı" oylap taptı. Endi mine, qazaq ädebietin qazaq tilinde oquğa qwqımız joq eken...

Bwlar, yağni Zağipalar qazaq tilinen nege sonşalıq jerinip otır?

Qazaqqa qarsı qazaqtıñ söz aytuı qaşanğı jalğaspaq?

Şäriphan Qaysar

Abai.kz

30 pikir