جۇما, 29 ناۋرىز 2024
ءبىزدىڭ شەنەۋنىك 9106 30 پىكىر 15 قاراشا, 2017 ساعات 09:57

زاعيپالار قازاق تىلىنەن نەگە بەزىندى؟

زاعيپا باليەۆا مەكتەپتە قانداي پاندەردى شەت تىلىندە وقىتۋ كەرەكتىگىن وقۋشىلاردىڭ وزدەرىنەن سۇراۋدى ۇسىنىپ، قازاق ادەبيەتىن اعىلشىن تىلىندە وتكىزۋ تۋرالى تىڭ يدەيا ايتتى.

ونىڭ ويىنشا فيزيكا، حيميا سەكىلدى كۇردەلى پاندەردى اعىلشىنشا وقۋ بالالارعا وتە قيىندىق تۋعىزاتىن كورىنەدى.

«بالا ءپاندى انا تىلىندە ارەڭ ءتۇسىنىپ، 12%-عا عانا مەڭگەرسە، وندا ول اعىلشىن تىلىندە قالاي وقيدى؟ وندا ونىڭ ءپاندى يگەرۋ كورسەتكىشى بۇدان دا تومەن دەگەن ءسوز. مۇمكىن، بالالارمەن اڭگىمەلەسىپ، قانداي ءپاندى اعىلشىن تىلىندە وقىتۋ كەرەكتىگىن وزدەرىنەن سۇراۋ كەرەك شىعار. بالا اعىلشىنشا سويلەپ، ماعىناسىن ءتۇسىنىپ ۇيرەنۋى كەرەك. مۇمكىن، ادەبيەت نەمەسە قازاق ادەبيەتىن اعىلشىن تىلىندە بەرسەك؟ بالكىم، سول كەزدە وقۋشى ونى ءتۇسىنىپ، سول تىلدە سويلەيتىن بولادى. ال مىنا فورمۋلالار، وم زاڭى وعان ومىردە تۇك تە قاجەت ەمەس. ءبىز تەحنيكالىق مامانداردى از دايىندايمىز. ءارى كەتسە 5 پايىز عانا شىعاتىن شىعار»، - دەيدى باليەۆا.

باليەۆا مۇنى شەتەلدەگى الدەبىر ادامداردىڭ تىكەلەي ەفيرگە شىعار الدىندا ەلدىڭ نازارىن باسقا جاققا بۇرۋ ءۇشىن ايتىپ وتىر ما؟ جوق، شەنەۋنىك حانىمدىڭ بار بىلەرى وسى ما؟

مينيستر قازاق ءتىلى مەن ادەبيەتىن بىرىكتىرىپ وقىتام دەپ ءبىر الجاستى. ۇلتتىق بىرىڭعاي تەستىلەۋدەن قازاق ءتىلىن الىپ تاستاماق بولىپ تاعى بۇيرەكتەن سيراق شىعاردى. "الىپپە", "انا ءتىلى" دەگەن پاندەردىڭ كوزىن قۇرتپاق بولىپ، "ساۋات اشۋدى" ويلاپ تاپتى. ەندى مىنە، قازاق ادەبيەتىن قازاق تىلىندە وقۋعا قۇقىمىز جوق ەكەن...

بۇلار، ياعني زاعيپالار قازاق تىلىنەن نەگە سونشالىق جەرىنىپ وتىر؟

قازاققا قارسى قازاقتىڭ ءسوز ايتۋى قاشانعى جالعاسپاق؟

ءشارىپحان قايسار

Abai.kz

30 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596