Pavlodar qalasynda patshalyq-kenestik kezenderding iydeologiyasynan tuyndaghan ataulardy egemen elding onomastika sayasatyna say ataulargha auystyru mәselesi oqtyn-oqtyn kóterilude. Nәtiyje joq emes, bar: Kuybyshev, Sverdlov, Kaliniyn, Dzerjinskiy siyaqty qyzyl komissarlardyng qúrmetine qoyylghan kóshe ataularynan arylghanymyzgha birshama jyl ótti. Biraq Ertisting Kereku ónirine esh qatysy joq patshazadanyn, Resey imperiyasynyng qolbasshylary men bolishevikter kósemining esim-soylarynan túratyn ataulardan osy kýnge deyin qútyla almaghanymyz ashy shyndyq. Jergilikti biylik tәuelsiz orystildi jurnalister men at tóbelindey patshashyl-kenesshil toptyng kәrinen seskenip, qol qusyryp qarap otyr deuge auyz barmaydy.

Qarasha aiynyng 16-sy kýni «Kolos» mәdeniy-sauyq ortalyghynda әkimdik qyzmetkerleri Lenin kóshesin «Astana» dep qayta atau mәselesi boyynsha qoghamdyq tyndau úiymdastyrdy. Jiyngha qala túrghyndary men qalalyq mәslihattyng deputattary qatysty.

Áriyne, qarama-qarsy pikirler aityldy, sezim auanyna berilip sóileushiler de boy kórsetti. Áytse de, Astana atauyn qoldaushylardyng qarasy qalyng әri aitqan uәjderi salmaqty boldy. Osy jaytty eskergen 8 deputattyng 7-eui kópshilik sheshimin maqúldap dauys berdi. Tek deputat V. Deymund Lenin atauyn ózgertuge qarsy ekenin mәlimdedi!

Viktor Deymund – «Núr Otan» partiyasynyng mýshesi, oblystyq «Chernobyli odaghy» QB tóraghasy, «Astana», «Astanagha – 10 jyl», «Qazaqstan Respublikasynyng Tәuelsizdigine 20 jyl», t.b. qazaqstandyq medalidarmen marapattalghan. Aytpaqshy, «Chernobyli odaghy» qoghamdyq birlestigining taghy bir mýshesi, zeynetker Nikolay Kunov ta Lenin atauyn barynsha jaqtaghan toptyng qatarynan kórindi.

Sonymen, deputat Viktor Deymund nelikten Lenin atauyn «Astana» dep ózgertuge qarsy boldy? Mýmkin búl jerlesimiz KSRO qúramynan bólingen ózge respublikalardy aitpaghanda, Resey Federasiyasynyng ózinde Lenin esimi men leninizm ilimine qatysty «Leningrad», «Uliyanovsk», «Oktyabriskaya» , «Sovetskaya», «Kommunisticheskaya» tәrizdi ataulardyng týgeldey ózgertilgenin bilmeytin shyghar? Álde egemendik kezeninde Leninning ómirbayany týgil aty-jóninen mýlde habary joq tútas bir buynnyng ósip jetilgenin bayqamaghan bolar? Bayqasa da, Elbasynyng «Ruhany janghyru» baghdarlamasy basshylyqqa alynghan qazaqstandyq qoghamda jas úrpaq tәrbiyesine leninizm ilimin kiriktiruge qajettilik joq ekenin bayyptay almady ma eken? Nemese kelesi 2018 jyly 20 jyldyq mereytoyy atalyp ótiletin Astana qalasynyng Tәuelsiz Qazaqstannyng simvoly ekenin, kommunistik qoghamnyng kelmeske ketkenine shiyrek ghasyrdan astam uaqyt ótkenin angharmady ma? Kim bilsin, әiteuir, osynday bir gәp bar siyaqty.

Degenmen, Viktor Deymundtyng qalalyq mәslihattyng deputattyghyna ótuine qoldau kórsetken saylaushylar arasynan oghan «Leniyn» jәne «Astana» sózderining mәn-maghynasyn úghyndyryp bere alatyn azamattar tabylady degen ýmittemin. Al jana ataudyng qalalyq mәslihattyng aldaghy sessiyasynda bekitiletinine senimim mol.

Arman QANI, Kereku qalasy

Abai.kz