Seysenbi, 25 Qırküyek 2018
Dep jatır 11372 51 pikir 28 Jeltoqsan, 2017 sağat 09:21

Qwl özin soysa da, özgeniñ tabanın süyip ötudi ädilet dep biledi...

Orısşa şu şığarğan qariyanı sınap, odan keyin Töreğalidı ayıptañdar!! Töreğali bir sätte halıq jauına aynaldı.. Nege? Keybireuler Töreğalidı qwrtıp, jer audarıp, jazalau kerek dep dabıl qağuda..

Qadirli qazaq jwrtı, ne degen meyirimsizdenip ketkensiñ, ne degen kekke tolı wrandar... Keşe ğana äspettegen azamattardı, bir sätte bir ağattıq üşin tabanğa salıp taptay salayıq pa? Ne degen bayansız jaqsı köru men jek köru...

Mwnıñ tereñinde aytılıp tizesi şıqqan, etten ötip, süyekke jetken qwldıq sana jatır... Biz ädilet bilikte joq deymiz, söytsek özimizde joq eken ğoy. Meyirim men keşirim qayda ketken? Eki qazaq bir ağattıqqa bola birin-biri ayıptap, jazalasa, onda qazaq boludan ketken ekenbiz. Qazaqtan mwsılmandıqtı alıp tastasa eşteñe de qalmaydı deytini osıdan.. Mwsılmandığımız ornında bolsa, eñ keminde imandı oylap keşirimmen qaraytın edik qoy. Bir adamnıñ birli-ekili qateligine bola tım şekten şığıp ketpeñizder, ağayın. Bir jaqtılı köre sala ükim şığaru, ädiletsizdikke alıp baradı. Ädette sot turalı şağım aytamız, negizi tereñ saraptaudı özimizden, ädildikti özimizden bastayıq.

Töreğali Töräli bwl şulı vidioda şamalı qızıp qalğanı eki vidioda da anıq bayqaladı... Onıñ änin estigenderdiñ özi mahabbat tragediyasın oylap mastanıp ketkenderi qanşama? Jalpı adamnıñ bäri qatelesedi, sol qatelikke bola taptap, qwrtıp jiberse bizdiñ elde jan qalmas edi, demek adam degen "insan" degen mağınanı bildiredi, yağni qatelikten twradı eken . Är qanday närseniñ eki jağı boladı. Biz tek Töreğalidıñ emociyasın, aşulanğanın ğana kördik, olay bolsa arğı jağında ne bolğanın bilmeymiz. Resey tilinde şu şığarğan qariyanıñ, tuğan jeriniñ namısın tüsirdiñ dep jwrttıñ közinşe ayıptauı qanşalıq ädiletti? Orıs tilinde söylegen soñ ädiletti bolıp twr ma? Öytkeni biz aq pen qaranı ajıratudan ketkenbiz, sebebi qwlmız.. Qwl özin soysa da, özgeniñ tabanın süyip ötudi ädilet dep biledi... Negizi än aytqan änşi men jır oqığan aqınnıñ jüregi näzik, sonday kezde bireu qarsı söz aytsa, sol jerdegi orındauşı pisihologiyalıq jaqtan qısımğa tap boladı.. Demek naq maydanda ne bolğanın tolıq bilmey ğaybattap, auır sözder aytuımız obal..

Töreğali qazaqı bolmıstağı, wlttıq kilti boyında saqtalğan azamat. Odanşa jastardı azdırıp bara jatqan, jalañaştana bastağan ärtisterdiñ äreketin sınañızdar. Töreğali men Qayrat Nwrtastı sınay beru ädetke aynalıp bara jatır.. Adamdardıñ jaqsılığın köruge tırısayıq.

Serik Boqan 

Abai.kz

51 pikir