Düysenbi, 25 Mausım 2018
Süyinşi! 833 4 pikir 12 Qañtar, 2018 sağat 07:45

Elordada Qayım Mwhamedhanovtıñ atına köşe berildi

 

Bügin Astana qalasındağı Qayım Mwhamedhanov, 37A köşesi boyında sağat 11:00-de Qazaq tehnologiya jäne biznes universiteti men «Bayan Batır» qoğamdıq Qorı  «Qayım Mwhamedhanov - ğalım, azamat, patriot» taqırıbında Respublikalıq ğılımi seminar ötkizedi.

Seminar jwmısına qazaqstandıq ataqtı ğalımdar, pedagogtar, studentter, qoğamdıq jäne memlekettik qızmetkerler, Qayım Mwhamedhanovtıñ şäkirtteri – Twrsın Jwrtbay, Ğarifolla Esim, Erbol İrgebay, aqın Nesipbek Aytov jäne tağı basqalar qatısadı. Seminarda Qayım Mwhamedhanovtıñ ömiri, Otan aldındağı qızmeti men eñbegi talqığa salınadı.

Seminar şeñberinde Qazaq tehnologiya jäne biznes universiteti ğimaratı aldında Astana qalasında Qayım Mwhamedhanov atındağı köşeniñ aşıluına oray saltanattı şeru ötedi.

Q.Mwhamedhanov – Qazaq KSR memlekettik änwranınıñ söz jazğan aqın,  Qazaqstan Respublikası Memlekettik sıylığınıñ laureatı, Qazaqstan täuelsizdiginiñ ruhani negizin qwraytın ğılımi-mädeni qwndılıqtardı aşuğa jäne saqtauğa ülken septigin tigizgeni üşin köptegen lauızımdar men marapattarğa ie bolğan twlğa. Ol - Abay memlekettik muzeyiniñ negizin qaladı (1940 j.), abaytanu, şäkärimtanu, äuezovtanu, alaştanu ğılımın bastap bergen  aqın, jazuşı, dramaturg, audarmaşı. Abay jäne Şäkärim sözderiniñ tüpnwsqasın saqtağan maytalman pedagog, tıyım salınğan kezeñge qaramastan jüzdegen jazbalardı saqtap qalğan twlğa.

Q.Mwhamedhanov – Qazaq KSR halıqtıq ağartu isiniñ üzdigi, KSRO ağartu salasınıñ üzdigi, Semey,  Ayagöz qalalarınıñ jäne Şığıs Qazaqstan oblısı Jañasemey, Abay audandarınıñ Qwrmetti azamatı. Köptegen lauızımdar men marapattardıñ iegeri: Abay Halıqaralıq Akademiyasınıñ altın medal' laureatı (London, 1995 j.), Qazaqstan jazuşılar Odağınıñ Abay halıqqaralıq sıylığınıñ birinşi laureatı (1996 j.), Qazaqstan jazuşılar Odağınıñ «Alaş» Halıqaralıq ädebiet sıylığınıñ alğaşqı Laureatı, Qazaqstan jazuşılar Odağı sıylığınıñ laureatı.

1951 jılı Abay mektebin saqtap qalu äreketteri üşin repressiya men azaptı bastan keşirip, öz iedyalarınan bas tarpağanı üşin ğalım Qazaqstannıñ täuelsizdigin jariyalağannan keyin 1996 jılı Qazaqstan Respublikasınıñ Memlekettik sıylığına layıq tabıldı.

Onıñ ömiri men tağdırı – tuğan elge qızmet etu men adam boyındağı ruhtıñ asqaqtığına, ar-namıstıñ tazalığına mısalı bolıp tabıladı.

Abai.kz

 

4 pikir