«Baqytty balalyq shaghymyz ýshin - Stәlin joldasqa sheksiz alghys!»
1936 jyly 27 qantarda Buryat-Múnghúl SSR-ning sheneunikterinen qúralghan delegasiyany Kremlde qabyldaghan kezinde Iosif Stәlin Múnghúl SSR-i Jer qatynastary Halyq komissary Ardan Markizovtyng 7 jastaghy qyzy Geliyany (Engelisina) qolyna alyp, suretke týsedi. Ol suret «Baqytty balalyq shaghymyz ýshin - Stәlin joldasqa sheksiz alghys!» degen úranmen kýni keshege deyin nasihattalyp keldi.
1938 jyly Stәlin meyirin tógip, qolyna kóterip kýlip túrghan Geliyanyng әkesi japon tynshysy degen jalagha iligip, «halyq jauy» retinde atylyp ketedi de, anasy jaudyng әieli retinde Qazaqstangha jer audarylady (ALJIYR-ge týsse kerek).
Keyinirek, Bas qasapshynyng kózi joyylghannan keyin, sol Kremldegi kezdesude bolghandardyng aituynsha, kishkene beykýnә sәbiydi kóterip suretke týsip bolghannan keyin "kýn kósem" janyndaghy oqqagharyna tisining arasynan syzdyqtatyp, yzbarly týrde gruzinshilep «Momashore eg tiliani» depti. Ol sózdi qazaqshalasaq - «Myna bittegen bәleni әketindershi!» degen maghyna beredi eken.
Osy (birinshi) surettegi qyzdy kýni býginge deyin maqta teruden ýzdik bolghan tәjik qyzy Mamlakat Nahangovamen shatastyra beredi. Shyntuaytynda, Stәlin 11 jasar Mamlakatpen dәp osy kezdesuden bir ay búryn, yaghni, 1935 jyldyng jeltoqsanynda kezdesken kórinedi.
Kenes odaghyna otbasymen ayanbay enbek etip, ýles qossa da.., sosialistik ómirding auyrtpalyghy men qayghy-sherin tartqan Engelisina 2004 jyly, al, Mamlakat 1992 jyly ómirden ozghan eken...
Qanat Eskendir
Facebook-tegi paraqshasynan
