Zang jobasy qabyldanghan jaghdayda Qauipsizdik Kenesi eldegi ortalyq basqaru tetigi bolyp sanalady әri ondaghy sheshimdi atqarushy biylik mindetti týrde oryndauy qajet bolady.

Demokratiyany damytu jónindegi Ortalyq Aziya qorynyng jetekshisi, sayasattanushy Tolghanay Ýmbetәliyeva atalghan zang jobasy eldegi sayasy jýieni ózgertedi dep oilamaydy. Onyng pikirinshe, әskery tújyrymdamany qabyldaghannan keyin, Qauipsizdik Kenesining qúrylymyn ózgertuge tura kelgen. Sebebi, biylik tranziyti kezinde, qauipsizdik mәselesine asa mәn bermek.

«Konstitusionalizmdi jәne demokratiyany damytu instituty» qoghamdyq qorynyng diyrektory Mereke Ghabdualiyev zang jobasynan biylikting auysyna dayyndyqty kóredi.

"Biylik tranziyti kezinde kim ózin qalay ústaytyny belgisiz. Eger kelesi preziydent kezinde elde «fors-major» bastalsa, onda elbasy Qauipsizdik kenesi arqyly jaghdaydy baqylaugha aluy mýmkin",- dep esepteydi Mereke Ghabdualiyev.

2017 jyly Qazaqstanda Konstitusiyagha ózgerister engizildi. Ol parlament pen ýkimetting rólin kýsheytuge baghyttalghan. Freedom House halyqaralyq qúqyq qorghau úiymy konstitusiyalyq reformany biylikti bólip alugha shekteu qoiy dep bagha bergen.

Núrzat Toghjan

Abai.kz