زاڭ جوباسى قابىلدانعان جاعدايدا قاۋىپسىزدىك كەڭەسى ەلدەگى ورتالىق باسقارۋ تەتىگى بولىپ سانالادى ءارى ونداعى شەشىمدى اتقارۋشى بيلىك مىندەتتى تۇردە ورىنداۋى قاجەت بولادى.

دەموكراتيانى دامىتۋ جونىندەگى ورتالىق ازيا قورىنىڭ جەتەكشىسى، ساياساتتانۋشى تولعاناي ۇمبەتاليەۆا اتالعان زاڭ جوباسى ەلدەگى ساياسي جۇيەنى وزگەرتەدى دەپ ويلامايدى. ونىڭ پىكىرىنشە، اسكەري تۇجىرىمدامانى قابىلداعاننان كەيىن، قاۋىپسىزدىك كەڭەسىنىڭ قۇرىلىمىن وزگەرتۋگە تۋرا كەلگەن. سەبەبى، بيلىك ءترانزيتى كەزىندە، قاۋىپسىزدىك ماسەلەسىنە اسا ءمان بەرمەك.

«كونستيتۋتسيوناليزمدى جانە دەموكراتيانى دامىتۋ ينستيتۋتى» قوعامدىق قورىنىڭ ديرەكتورى مەرەكە عابدۋاليەۆ زاڭ جوباسىنان بيلىكتىڭ اۋىسىنا دايىندىقتى كورەدى.

"بيلىك ءترانزيتى كەزىندە كىم ءوزىن قالاي ۇستايتىنى بەلگىسىز. ەگەر كەلەسى پرەزيدەنت كەزىندە ەلدە «فورس-ماجور» باستالسا، وندا ەلباسى قاۋىپسىزدىك كەڭەسى ارقىلى جاعدايدى باقىلاۋعا الۋى مۇمكىن",- دەپ ەسەپتەيدى مەرەكە عابدۋاليەۆ.

2017 جىلى قازاقستاندا كونستيتۋتسياعا وزگەرىستەر ەنگىزىلدى. ول پارلامەنت پەن ۇكىمەتتىڭ ءرولىن كۇشەيتۋگە باعىتتالعان. Freedom House حالىقارالىق قۇقىق قورعاۋ ۇيىمى كونستيتۋتسيالىق رەفورمانى بيلىكتى ءبولىپ الۋعا شەكتەۋ قويۋ دەپ باعا بەرگەن.

نۇرزات توعجان

Abai.kz