Düysenbi, 25 Mausım 2018
Apat 561 0 pikir 11 Aqpan, 2018 sağat 23:30

Mäskeu tübine qwlağan wşaqtağı 71 adamnıñ qaza tapqanı habarlandı

Bügin Mäskeu tübinde "Saratov äue joldarı" kompaniyasınıñ jolauşı wşağı qwlap, 71 adamnıñ qaza tapqanı habarlandı. AN-148 wşağı "Domodedovo" äuejayınan Orsk bağıtına wşıp şığar kezde apatqa wşırağan. Apat turalı mälimetter anıqtalıp jatır. Borttağı 65 adam - jolauşı, qalğan altı adamnıñ ekipaj müşesi ekeni habarlandı. Jolauşılar tizimi birden jariyalanbağanımen, olardıñ deni Orınbor oblısınan ekendigi aytıladı.

Wşaq qaldığı Mäskeu tübindegi Ramensk audanında tabılıp, qazir 150 şamalı qwtqaruşı izdestiru jwmısına tartılğan. Apat ornınan 50 adamnıñ mäyit qaldığı tabılıp otır. Wşaq qaldığı bir kilometr boyında şaşılıp jatqanı habarlanğan.

Resey telernalarınıñ mälimetine qarağanda, qwlağan wşaq 2010 jılı şığarılğan. Apat bolğan jerdegi qalıñ qar izdestiru jwmısına kedergi keltirip, qar tazalana bastağan.

El prezidenti Vladimir Putin men Mäskeu meri Sergey Sobyanin qaza tapqandardıñ jaqındarı men tuıstarına qayğırıp köñil aytatının jariyaladı.

Abai.kz

0 pikir