Ótkendegi qatty ayazdyng kezinde auyr qayghygha dushar boldyq. Bólemning jelkildep ósip kele jatqan 15 jastaghy úly ayaq-astynan insulit bolyp dýniyeden ótip ketti.

Balany Ójettegi ziratqa jerleu ýshin rúqsat alugha bardyq. Zirattyng adminstratory (shyraqshy deuge kelmeydi): jer bar, 55 myng tenge tólep alasyndar dedi. 55 mynda estigende shar ettim: - Búlaryn adamdy tonau ghoy. Múnday aqshasy joq kedey ólse, kómusiz qala ma? Ne degen súmdyq, - dedim. Alsang al, almasang qoy. Kensaygha barsang múnan bes ese kóp tóleysing dedi. Múnshama aqshany ne ýshin beruimiz kerek dep edim aldyma prays-listti tastay saldy. Ony kórgende tipti yzalandym.

Adamdardyng óliminen aqsha jasaudy kəsipke ainaldyrghan eken. Solay dep edim, mening qatysym joq, kerek bolsa basshylargha bar. Ortalyq zirattyng kassasyna osy aqshany tólep kelgen song jerdi kórsetemin dep tayyp túrdy. Ol kassasy dýisenbi ghana isteydi eken. Kýn bolsa júma. Məyitti ýsh kýn qoyyp qoymaysyng ghoy. Sosyn əlgining ýstinen qaraytyn basshygha habarlasyp edik, biraz kýttirip keldi. Keldi de jer mine, kassagha 70 tólender de alyndar dep miyghynan kýldi. Tilimdi tistep men túrdym. Bólem kassanyng dýisenbi ghana isteyitin aityp, jalynyp-jalpayyp jýrip 70 myndy əlgining qolyna berdi. Jer qazatyn bir-aq adamymyz bar, qazir jer 1 metr ton, ol kómekshimen keledi. Kómekshige 10 myng jeke tóleysinder dep, jerdi kórsetip ketip qaldy. Búl saghat 1-ding kezi edi. Keshki 4-5-ter shamasynda kór qazushylardyng jaghdayyn biluge barsaq eki mas orys qazatyn jerdi syzyp qoyyp otyr eken. Sodan aghayyn-tuys, dos-jarandar jabylyp týnimen tondy oiyp kór qazdy. 

Endi súraq. Kór satushylardy kim baqylaydy. Adamdardyng qayghysynan aqsha jasap jýrgen aramzalardy kim toqtatady? Olar prays-listte kórsetilgen qyzmetting birin de jasaghan joq. Biraq, 70 myng tengeni sypyryp aldy. Búl alayaqtyq emes pe? Búl qylmys emes pe?!

Ardabek Soldatbay

Abai.kz