Düysenbi, 25 Mausım 2018
Kübirtke 1508 9 pikir 20 Aqpan, 2018 sağat 10:15

Nazarbaev mektebine tüsuşi talapkerler "tilsiz" Saylaubek şığarmaşılığı boyınşa sınaq tapsıradı

 

«Estimegen elde köp» degen osı!!!  Nazarbaev ziyatkerlik mektebine tüsuşi talapkerler tilsiz, sözi joq, tüsiniksiz bıldırlağan dıbıstar şığaratın MS Saylaubektiñ ömirbayanın jaqsı bilip, şığarmaşılığınan sınaq tapsıradı eken.  Bwl turalı Feysbuk paraqşasında Kiikbay Jaqıpwlı «MASQARA! Nazarbaev mektebine tüsu üşin oğan arnalğan swraqtardıñ işinde Saylaubekti (iya, kädimgi tüsiniksiz repper) bilu kerek! Aytarım joq… ne bolıp ketti!» -dep jazıp, videosın qoyğan. Ol qattı talqılanıp jatır qazir.

Iä, solay, «QAZAQ TİLİ» dep atalatın oqulıqta  «NAZARBAEV ZIYATKERLİK MEKTEPTERİNE TÜSUŞİLERGE ARNALĞAN  TEST TAPSIRMALARI JINAĞI» dep jazulı twr.

Sonımen, elimizdegi eñ tañdaulı  Nazarbaev ziyatkerlik mektebine  tüsetinder   «Qazaq tili» oqu qwralınıñ  75 betindegi 7 mätindegi    MS Saylaubektiñ egjey-tegjeyli jazılğan ömirin jatqa bilui kerek. Oğan qosa, «MS Saylaubektiñ jwldız boluına ne äser etti?» degen 4 swraqqa jauap berui tiis …

Bwnıñ bärine jauap berip, äygili mektepke tüsip ketken  talapkerden  MS Saylaubektiñ änin salıp berudi de swrauı mümkin şığar dep oylaysıñ…  Al bwl turalı sınaq kitapşa avtorları  Qazbek Sağidolla men Serikbolsın Düysembaylardan swrau kerek…  Sonda bwl avtorlardıñ deñgeyi  «tilsiz» «jwldızdardıñ» aynalasında ma? Sonda elimizdegi eñ äygili  mektep oquşılarınıñ ülgi twtarı  «tilsiz» repper boluı kerek pe? Al atalmış mektep basşıları bwl masqarağa  ne deydi eken?

«QAZAQ TİLİN» «TİLSİZ» SAYLAUBEKKE TAÑĞANDARDIÑ MAQSATI NE?- degen swraqqa, mümkin, memlekettik tilde söyleui qiın ministr Erlan Sağadiev te jauap berip qalar?

«OQULIQTAĞI EKİ AQINNIÑ QAYSISI «WRI», MINISTR MIRZA?»– dep 2-şi sınıpta Bilim ministrine jazğan hatına 3 jıldan beri äli jauap ala almay kele jatqan Ämina qızım köpten beri Nazarbaev mektebine dayındalıp jür edi… Endi mınadan keyin ol ne  tañdauın özgertu kerek, ne MS Saylaubektiñ  «bıdı-bıdısın» jattay berui kerek  qoy. Oylanıp qaldıq…

Elimizdegi eñ tañdaulı Nazarbaev ziyatkerlik mektebine jasalıp jatqan sınaq tapsıru kitapşaları osınday bolsa, basqalarınıñ sıqpıtı belgili şığar…

«Jüre berseñ, köre beresiñ» degen - osı…

Alla qazaqqa sabır bersin!

Qazıbek Isa

Derekközi: qazaquni.kz

Tüpnwsqadağı taqırıp: "Qazaq tilin" "tilsiz" Saylaubekke tañğandardıñ maqsatı ne?  

9 pikir