Ózbekstan azamaty Stokgolimde teraktige sanaly týrde bardym deydi
20 aqpanda Stokgolimde sot aldynda sóilegen 40 jastaghy Ózbekstan azamaty Rahmat Akilov ózine taghylghan aiyptardy moyyndady. Jergilikti The Local basylymynyng jazuynsha, Akilov basty maqsatym "Shvesiya azamattaryn óltiru" boldy dep mәlimdegen.
40 jastaghy ózbekstandyq Rahmat Akilov seysenbi kýni Stokgolim sotyna jetkizildi. Ol byltyr 7 sәuirde Shvesiya astanasynda terakt jasady dep aiyptalyp otyr. Sol kezde ol jýk kóligimen adamdar jýretin joldy basyp ótken. Qaza tapqandar ishinde 11 jastaghy qyz bala men Úlybritaniya jәne Belgiya azamattary boldy. Ondaghan adam jaralanghan.
«Men Shvesiyanyng halifatqa qarsy soghysty toqtatqanyn qalaymyn. Olar әskery aimaqqa jauyngerlerin jiberudi toqtatqanyn qalaymyn», – dep Rahmat Akilovting sózderin keltiredi The Local.
Akilov ózining isine esh ókinbeytinin ashyn mәlimdedi. «Mening әreketimning maqsaty – NATO koalisiyasy shabuylynan zardap shekkendermen janym da, jýregim de birge ekenin kórsetu boldy», – degen Akilov.
Akilov «Islam memleketine» ant etkenin aitqan. Biraq atalghan ekstremistik úiym Stokgolimdegi oqighany jauapkershiligine almady. Biraq tergeu mәlimetinshe, Rahmat Akilovqa Siriyadaghy tәjik sodyry tapsyrma berip otyrghan. Al instruktorlardyng biri Daghystan azamaty bolghan.
Memlekettik aiyptaushy Rahmat Akilovty ómir boyy týrme jazasyna kesudi súrady. Oghan qarsy sot mamyr aiyna deyin jalghasyp, ýkim mausym aiynda shyghady dep kýtiledi.
Abai.kz
