40 جاستاعى وزبەكستاندىق راحمات اكيلوۆ سەيسەنبى كۇنى ستوكگولم سوتىنا جەتكىزىلدى. ول بىلتىر 7 ساۋىردە شۆەتسيا استاناسىندا تەراكت جاسادى دەپ ايىپتالىپ وتىر. سول كەزدە ول جۇك كولىگىمەن ادامدار جۇرەتىن جولدى باسىپ وتكەن. قازا تاپقاندار ىشىندە 11 جاستاعى قىز بالا مەن ۇلىبريتانيا جانە بەلگيا ازاماتتارى بولدى. ونداعان ادام جارالانعان.

«مەن شۆەتسيانىڭ حاليفاتقا قارسى سوعىستى توقتاتقانىن قالايمىن. ولار اسكەري ايماققا جاۋىنگەرلەرىن جىبەرۋدى توقتاتقانىن قالايمىن»، – دەپ راحمات اكيلوۆتىڭ سوزدەرىن كەلتىرەدى The Local.

اكيلوۆ ءوزىنىڭ ىسىنە ەش وكىنبەيتىنىن اشىن مالىمدەدى. «مەنىڭ ارەكەتىمنىڭ ماقساتى – ناتو كواليتسياسى شابۋىلىنان زارداپ شەككەندەرمەن جانىم دا، جۇرەگىم دە بىرگە ەكەنىن كورسەتۋ بولدى»، – دەگەن اكيلوۆ.

اكيلوۆ «يسلام مەملەكەتىنە» انت ەتكەنىن ايتقان. بىراق اتالعان ەكسترەميستىك ۇيىم ستوكگولمدەگى وقيعانى جاۋاپكەرشىلىگىنە المادى. بىراق تەرگەۋ مالىمەتىنشە، راحمات اكيلوۆقا سيرياداعى تاجىك سودىرى تاپسىرما بەرىپ وتىرعان. ال ينسترۋكتورلاردىڭ ءبىرى داعىستان ازاماتى بولعان.

مەملەكەتتىك ايىپتاۋشى راحمات اكيلوۆتى ءومىر بويى تۇرمە جازاسىنا كەسۋدى سۇرادى. وعان قارسى سوت مامىر ايىنا دەيىن جالعاسىپ، ۇكىم ماۋسىم ايىندا شىعادى دەپ كۇتىلەدى.

Abai.kz