Jeksenbi, 24 Mausım 2018
Mäñgilik el 1942 12 pikir 7 Naurız, 2018 sağat 09:49

Almatı oblısınıñ aktivi Elbasınıñ ündeuin talqıladı

Taldıqorğan politehnikalıq kolledjiniñ direktorı Erqat Mwqajanov granttar sanın wlğaytu men jataqhanamen qamtu mäselesine qatıstı pikirin bildirdi. Atalmış kolledjdiñ kündizgi böliminde 1622 student oqısa, sonıñ 960-ı şalğay auıldardan kelgen bilimgerler. Al bilim oşağınıñ jataqhanası 200 orındıq. Bwdan bölek öñirdegi birqatar kolledjderde de jataqhana qajettigi tuındap otır. Osı mäselege oray oblıs äkimi A. Batalov Elbası N. Nazarbaevtıñ «Prezidenttiñ bes äleumettik bastaması» attı ündeuine oray ötkizgen aktiv jiınında tiisti sala basşılarına öñirdegi bilim oşaqtarınıñ jataqhanağa degen qajettiligi turalı mälimetterdi tolıqtırıp, naqtılap, ğimarat qwrılıstarın zamanaui ülgide jobalau qajettigin eskertti.

Aktiv jiınında Almatı oblısınıñ äkimi Amandıq Batalov bes bastamağa jeke-jeke toqtalıp, osı bağıttar boyınşa oblısta atqarıluı tiis mindetter jaylı aytıp berdi.

Bayandamaşınıñ aytuınşa, Prezidenttiñ baspananı qoljetimdi etuge bağıttalğan «7-20-25» bağdarlaması öñirdegi twrğın üy qwrılısına jaña qarqın bermek. Biılğı jılı oblısta paydalanuğa beriletin twrğın üyler kölemin 1 mln. şarşı metrge jetkizu közdelude. Bwl orayda ekinşi deñgeyli bankter nesielik twrğın üy qwrılısına belsendi türde tartıluı tiis. Al ekinşi bastamada aytılğan jalaqısı tömen azamattar üşin salıq mölşerin azaytu jaldamalı jwmıskerlerdiñ, onıñ işinde äleumettik, qızmet körsetu salasında eñbek etetin jäne tehnikalıq personaldıñ jalaqısınıñ ösuine ıqpal etetin boladı. Al memlekettik granttardıñ sanın arttıru jäne bilimgerlerdi jataqhanamen qamtu turalı bastama boyınşa da alda atqarılar jwmıs auqımdı. Mäselen, biılğı jılı oblısta 16588 mektep bitiruşi bolsa, endi Prezidenttiñ bastamasımen elimizdiñ JOO-larına grantqa tüsetinder sanı bwrınğıdan da arta tüsetin boladı. Oğan qosa oblıs äkiminiñ grantımen jergilikti byudjet esebinen 438 adam oqıp jatır. Biılğı jılı tağı 100 grant beru közdelip otır. Al jataqhana qajettiligi oblıs ortalığındağı İ. Jansügirov atındağı JMU men öñirdegi birqatar kolledjerde bayqalıp otır.

Sonımen qatar öz sözinde oblıs äkimi Elbasınıñ «Şağın nesie berudi köbeytu» turalı bastamasına da toqtalıp ötti. «2017 jılı 4,3 milliard teñgeniñ 840 şağın nesiesi berildi. Qarajattıñ jetpeuinen  3148 adam şağın nesie ala almadı. Elbasınıñ bastamasında qosımşa 20 milliard teñge bölu mäselesi köterildi. Biz öz kezeginde, osı qarajattı paydalana otırıp, şağın nesie aluğa niet bildirgen köptegen twrğındardı qamti alamız», - dedi A. Batalov.

Gazdandıru jwmısına qatıstı besinşi bastamada keñinen aytılğan. Osığan oray oblıs äkimi A. Batalov bügingi küni 11 audanda gazdandıru jwmısı jürip jatqanın, oğan 8,5 mlrd. teñge bölingenin atap ötti. Taldıqorğan qalasında qalaişilik gazdandıru jüyesiniñ birinşi kezeginiñ qwrılıs-montaj jwmıstarı ayaqtalğan. Qazir ekinşi, üşinşi kezektiñ qwrılısı bastaldı. Sonday-aq Qapşağay qalasında abonentterdi kögildir otın jüyesine qosu jwmıstarı jürip jatır. Büginde Tekeli qalasına deyin gaz qwbırın tartu  jäne «Baqanas», «Sarıözek» jäne «Üştöbe» AGTS qwrılıstarı jürude.

Söziniñ soñında oblıs äkimi A. Batalov:

- Osı atalğan bes bastamanıñ da mañızı zor. Äleumettik salanı köteru üşin, twrğındardıñ äl-auqatın arttıru üşin ülken mümkindikterge jol aşıp berip otır. Sondıqtan men toqtalğan mäselelerge qatıstı orınbasarlarım men tiisti basqarmalar basşılarına är bağıt boyınşa naqtı josparlar äzirleudi, onı jüzege asıruda memlekettik-jekemenşik seriktestik mehanizmin jandandırudı, Elbasımız wsınğan bes bastamanı halıqqa tüsindirip, nasihattau jwmıstarın bastaudı tapsıramın. 12 naurızğa deyin är bağıt boyınşa Wlttıq bank, qarjı instituttarı, «Atameken» Wlttıq käsipkerler palatası, joğarı oqu orındarımen jäne basqa da müddeli organdarmen kelisilgen Jol kartasın dayındap, onı  tez arada iske asıruımız kerek, - dedi A. Batalov.

Mwnan soñ söz alğan «Twrğınüyjinaqbanki» AQ Almatı oblıstıq filialınıñ direktorı Ğ. Şalqımbaev twrğın üydiñ qoljetimdiligi turalı bank şarttarı jaylı bayandasa, Taldıqorğandağı mümkindigi şekteuli balalarğa arnalğan «Bäyterek» oñaltu ortalığınıñ defektolog mwğalimi A. Nüsipjanova salıq jeñildigine ilinetin azamat retinde oy qostı.

Sonımen qatar Taldıqorğan politehnikalıq kolledjiniñ direktorı Erqat Mwqajanov, Almatı oblıstıq «Atameken» Käsipkerler wlttıq palatasınıñ direktorı N. Äbilşayıqov pen «Taldıqorğan qalası gaz bölu jüyesiniñ qwrılısı» jobasınıñ jetekşisi A. Petlin söz söylep, oyların ortağa saldı.

S.Namazşamova

Abai.kz

12 pikir