Senbi, 18 Tamız 2018
649 0 pikir 16 Säuir, 2018 sağat 08:52

Audan äkiminiñ orınbasarı qızmetkeriniñ mwrnın sındırğan

Özbekstannıñ Qaşqadariya oblısı Guzar audanı äkiminiñ orınbasarı Habib Azizov 12 säuirde jer resurstarı jäne memlekettik kadastr jönindegi bölimniñ mamanı Fahriddin Kurbanovtıñ mwrnın sındırğan.

Jäbirlenuşiniñ aytuınşa, oqiğağa birneşe adam kuä.

"12 säuirde äkim orınbasarı Habim Azizovpen birge «Batoş» auılına bardıq. Top qwramında men de boldım. Bir jer uçaskesine kelgende, äkim orınbasarı menen "Mınau kimniñ jeri, bwl jerge qatıstı qanday da bir şeşim bar ma?" dep swradı. Men däl qazir qolımda anıqtaytın qwjat joq ekenin aytıp, biraq bärin erteñ äkelip tapsırayın dedim", – deydi Fahriddin Kurbanov.

Kurbanovtıñ sözinşe, äkim orınbasarı soñına deyin tıñdamay, onı jwdırığımen wrğan.

"Men şeneunikti balağattamadım. Jaman eşteñe aytpadım. Onıñ jwdırığı qattı bolğanı sonşalıqtı, közim qarauıtıp, esimnen tanıp qaldım. Mwrnımnan qan ketti. Meni qasımda twrğan adamdar twrğızdı. Men Azizovtan nege wrdıñ dep swrap edim, ol jauap bermesten, bwrılıp ketip qaldı", – deydi Fahriddin Kurbanov.

Jäbirlenuşiniñ aytuınşa, oqiğa ornında audan prokurorı bolğan. Ol eşqanday şara qoldanbay, jäy ğana baqılap twrğan.

Fahriddin Kurbanov birden audandıq auruhanağa barıp em alğanın, keyin üyine oralğanın aytadı. Biraq auruı deñdep, ertesine prokuraturağa arızdanğan. "Därigerler mwrnıñ sınğan deydi. Men därigerdiñ qorıtındısın alıp, prokuraturağa tapsıramın", – deydi Kurbanov.

Al Azizovtiñ özi jurnalister swrağına jauap bermesten, telefon twtqasın tastay saldı.

Abai.kz

0 pikir