Búl ministr Jenis Qasymbekting deregi. Búl jayly primeminister.kz sayty habarlady.

Ótken jyly QR Ýkimeti Dýniyejýzilik bankpen birlesip 2018–2022 jyldargha arnalghan Últtyq investisiyalyq strategiyany әzirledi.

Búl Strategiyanyng negizgi mindeti — tikeley sheteldik investisiyalardyng salynu kólemin úlghaytu. Strategiya ayasynda jana investorlardy tartugha ghana emes, sonymen qatar júmys istep jýrgen investorlardy ústap túrugha jәne olardy qayta investisiya salugha yntalandyrugha basa nazar audarylatynyn atap ótken jón.

Sonday-aq, ekonomikalyq mýmkindikterdi eskere otyryp, investisiyalardy tartugha 36 әleuetti el anyqtaldy, onyng 11 basymdyqqa iye, sonyng ishinde Fransiya da bar. Búl elder býkil әlem boyynsha investisiyalar men jana tehnologiyalardyng donorlary sanalady. Osy basym elderding әrqaysysymen júmys isteu ýshin QR SIM-men birlese otyryp, is-qimyldardyng jeke tәsili men naqty jospary әzirlenetin bolady.

Ministr Memleket basshysy әlemning asa damyghan 30 elining qataryna kiru turaly tapsyrma bergenin atap ótti. Osy maqsatqa jetu ýshin Qazaqstanda investisiyalardy tartudyng qolayly jaghdaylary jasalyp jatyr.

Naqty júmys turaly aita kelip, J. Qasymbek elimizde ótkizilip jatqan manyzdy jýieli is-sharalargha nazar audardy. Mәselen, sheteldik ókilder men ónirlik bólimsheler jelisimen Kazakh Invest investisiyalar jónindegi últtyq kompaniyasy sәtti júmys isteude. Kazakh Invest maqsatty TÚK jәne iri kompaniyalarmen Ýkimet atynan «birynghay kelissóz jýrgizushi» retinde qyzmet atqarady.

Investorlargha kedendik baj salyghynan bosatu, salyqtyq jenildikter, salyqtyq demalystar, zattay granttar jәne t.b. sekildi jenildikter úsynylady.

Qazaqstanda әrtýrli salalyq baghyttary bar 11 arnayy ekonomikalyq aimaq jәne 22 industriyalyq aimaq bar. AEA qatysushylaryna «bir tereze» qaghidaty boyynsha jenildikter men qyzmetter paketi úsynylady. Industriyalyq aimaqtardyng qatysushylaryna memleket barlyq qajetti infraqúrylymdy qamtamasyz etedi.

Qazirgi tanda Qazaqstanda iri memlekettik kәsiporyndardy jekeshelendiru boyynsha auqymdy nauqan jýrgizilip jatyr. Satugha shamamen 800-ge juyq aktiv úsynyldy. Búl tau-ken ónerkәsibi jәne metallurgiya, múnay-gaz salasy, energetika, kólik jәne baylanys, infraqúrylym jәne t.b. kompaniyalardaghy aksiyalar.

Memlekettik-jekeshelik әriptestik qaghidattary boyynsha túrghyn ýi-kommunaldyq sharuashylyq, densaulyq saqtau, avtokólik joldary men temirjol qúrylysy salasynda jobalar iske asyryluda.

Jenis Qasymbekting aituynsha, Qazaqstan da Fransiya sekildi agrarlyq sektorgha erekshe kónil bóledi. Agroónerkәsip keshenin damytudyng 2017–2021 jyldargha arnalghan memlekettik baghdarlamasy iske asyryluda. Elbasynyng «Qazaqstannyng ýshinshi janghyruy: jahandyq bәsekege qabilettilik» atty Joldauyna sәikes, «Made in Kazakhstan» brendi ekologiyalyq taza ónimder etalony, al agrarlyq sektor — ekonomikanyng jana drayveri boluy kerek.

Búdan ózge, Qazaqstanda EYDÚ úsynystaryn eskere otyryp, Jer qoynauy jәne jer qoynauyn paydalanu turaly jana Kodeks әzirlendi, ol 2018 jyldyng shilde aiynan bastap kýshine enedi. Kodeksting qabyldanuymen sheshiletin basty mәselelerding biri — «birinshi kelgen – birinshi alady» qaghidatyn qoldanu. Osyghan baylanysty J. Qasymbek fransuz kompaniyalaryna jer qoynauyn paydalanu salasyndaghy jana mýmkindikterge qatysugha asyghugha kenes berdi.

«Biz mys, altyn, qorghasyn, myrysh jәne basqa da metaldardy geologiyalyq barlau salasyndaghy jobalardy iske asyru ýshin investorlarmen júmysty odan әri jalghastyrugha dayynbyz, sonday-aq yntymaqtastyq ýshin bos ken oryndaryn úsynugha әzirmiz», — dedi ministr.

J. Qasymbek qatysushylargha osy jyldyng mausym aiynda «Jer qoynauy jәne jer qoynauyn paydalanu turaly» QR Zanyna sәikes jer qoynauyn paydalanu qúqyghyn beru turaly auksion ótkizu josparda bar ekenin mәlimdedi. Barlyghy 69 jer qoynauy telimi dayyndaldy, onyng 5-i — óndiruge jәne 64 — barlaugha arnalghan.

Búdan ózge, ministr Euraziyanyng jýreginde, Europa men Qytay arasynda ornalasqan Qazaqstannyng tiyimdi geografiyalyq ornalasuyna toqtaldy. Qazaqstannan 2 myng shaqyrym radiusta 500 mln astam adam ómir sýredi. Búdan ózge, Qazaqstannyng Euraziyalyq ekonomikalyq odaqqa mýsheligi 180 mln-nan astam tútynushysy bar Odaqtyng ortaq naryghyn ashady.

Qazirgi tanda Euraziyalyq transqúrlyqtyq dәlizderding jana arhiytekturasyn qalyptastyru jóninde jýieli júmystar jýrgizilip jatyr. Kólik salasyndaghy basty mindet — 2020 jylgha qaray tranzitten týsetin jyl sayynghy kiristerdi $5 mlrd deyin arttyru. Jalpy alghanda 2017 jyly Qazaqstan arqyly ótken jýk tranziyti shamamen 17 mln tonnany qúrady.

Jyl sayyn Qazaqstan arqyly Qytay men Europa arasyndaghy konteynerlik tasymaldardyng eki esege artuy bayqalady, búl osy baghdardyng manyzdylyghyn rastaydy.

QR tranzittik әleuetin eskere otyryp, 2015 jyly «Núrly Jol» jana ekonomikalyq sayasaty men «Jibek jolynyng ekonomikalyq beldeui» bastamalarynyng týiindesui boyynsha yntymaqtastyq josparyna qol qoyyldy, Qazaqstan men Qytaydyng kóliktik-logistikalyq infraqúrylymyn biriktiru prosesi belsendi týrde jalghasuda.

Ministrding aituynsha, býgingi tanda Lyaniunigan teniz portyndaghy Qazaqstan-Qytay terminaly men «Qorghas» AEA qúrghaq porty sekildi birlesken infraqúrylymdyq jobalar ónirlik habtar bolyp sanalady jәne Qazaqstan aumaghy arqyly transporttyng barlyq týri boyynsha Qytaydan Europagha eksporttyq-importtyq jәne tranzittik tasymaldar kórsetkishterining túraqty ósimin qamtamasyz etedi.

Sonymen qatar, J. Qasymbek býgingi tanda «Batys Europa — Batys Qytay» halyqaralyq tranzittik dәlizi әzirlenip jatqanyn, onyng 2787 shaqyrymy Qazaqstan aumaghy arqyly ótetinine, búl jýkterdi tasymaldau uaqytyn edәuir qysqartatynyna nazar audardy.

«Ortalyq Aziyadaghy investisiyalardyng 70%-dan astamy Qazaqstannyng ýlesine tiyesili, búl elimizding sheteldik investorlar ýshin tartymdylyghynyng joghary ekenin kórsetedi. Osy qarqynmen júmysty jalghastyrugha dayynbyz», — dedi J. Qasymbek, fransuzdyq әriptesterdi Qazaqstannyng damushy ekonomikasyna batyl qadammen investisiya salugha shaqyra otyryp.

Anyqtama: 2018 jyldyng 26 sәuirinde ótken Forum ayasynda QR IDM men Fransiyanyng SÓP arasynda ózara týsinistik jәne nәtiyjeli yntymaqtastyqty keneytu turaly memorandumgha qol qoyyldy.

Memorandum Qazaqstan men Fransiyadaghy biznesting bәsekege qabilettiligin arttyrudyng manyzdy tetigine ainalady, tyghyz kommersiyalyq baylanystardy damytugha, ekijaqty investisiyalar kólemin úlghaytu men tehnologiyalar transfertin damytugha negiz bolady.

Qújat ayasynda investisiyalyq jobalardy iske asyru ýshin memlekettik qoldau kórsetu mәseleleri, sonday-aq әleuetti iskerlik seriktester (Qazaqstan men Fransiya kompaniyalary) turaly aqparatty qosa alghanda, halyqaralyq sauda jónindegi aqparatpen almasu, taldamalyq sholular, marketingtik zertteuler jasau jәne memlekettik retteu sharalary turaly aqparatpen almasu kózdelgen.

Taraptar eki elding ekonomikalyq sayasatynyng basym baghyttary boyynsha ózara is-qimyl jasaugha kelisti. Aldyn ala ekonomikanyng basymdyqty sektorlary anyqtaldy, olardy damytugha eki elding kýsh-jigeri júmsalady.

Basym sektorlar qatarynda: azyq-týlik ónimderin, farmasevtikalyq ónimderdi, qaghaz jәne qaghaz ónimderin, kompiuterlerdi, elektrondy jәne optikalyq ónimderdi, kólik qúraldaryn shygharu, sonday-aq densaulyq saqtau, bilim beru, metallurgiya ónerkәsibi, auyl sharuashylyghy, innovasiyalar jәne AT, turizm, himiya ónerkәsibi ónimderin shygharu, mashina jasau, qúrylys materialdaryn óndiru, múnay, gaz jәne t.b salalardaghy qyzmetter.

Abai.kz