Seysenbi, 21 Qyrkýiek 2021
2063 27 pikir 3 Mamyr, 2018 saghat 10:12

Elbasy EEK tóraghasy Tigran Sarkisyanmen kezdesti

Elbasy Euraziyalyq ekonomikalyq komissiya alqasynyng tóraghasy Tigran Sarkisyanmen kezdesti, dep habarlaydy Aqordanyng baspasóz qyzmeti.

Kezdesu barysynda Joghary Euraziyalyq ekonomikalyq kenesting aldaghy otyrysynyng kýn tәrtibi, sonday-aq euraziyalyq integrasiyany odan әri nyghaytu mәseleleri talqylandy.

Memleket basshysy Euraziyalyq ekonomikalyq odaq qyzmetining joghary nәtiyjelerine toqtalyp, ózge elder tarapynan búl birlestikke qyzyghushylyqtyng artyp otyrghanyn atap ótti.

– Ótken 2017 jyl tabysty boldy. Elderimiz arasyndaghy tauar ainalymy 27 payyzgha artty. Birlestigimizge degen zor qyzyghushylyqtyng bar ekenin kórip otyrmyz. Býginde bizben 40-tan astam el yntymaqtastyq ornatty. Biz sizdermen Joghary Euraziyalyq ekonomikalyq kenesting sammiyti qarsanynda kezdesetin bolamyz, onyng kýn tәrtibindegi barlyq mәsele kelisilgen. Biz kýrdeli mәselelerdi, sonyng ishinde sanksiyagha qatysty mәselelerdi de talqylaytyn bolamyz, – dedi Núrsúltan Nazarbaev.

Tigran Sarkisyan Memleket basshysyn Qazaqstan halqynyng birligi kýnimen qúttyqtap, elimizding órkendey beruine niyettestigin bildirdi.

– Men Kenesting tapsyrmasy boyynsha Sizben birqatar mәselelerdi talqylasam dep edim. Atap aitqanda, Joghary Kenes otyrysyn qalay tiyimdirek ótkizip, qanday problemalargha erekshe mәn beru qajet ekenin anyqtaugha, sonday-aq integrasiyany nyghayta týsuge qatysty mәseleler bar, – dedi Euraziyalyq ekonomikalyq komissiya alqasynyng tóraghasy.

Kezdesu sonynda T.Sarkisyan Qazaqstan Preziydentine Euraziyalyq ekonomikalyq komissiyanyng qazirgi júmystary jóninde mәlimdedi.

Abai.kz

27 pikir