Jwma, 22 Mausım 2018
426 0 pikir 14 Mamır, 2018 sağat 09:53

Prezident Almatı oblısına jasağan saparın qorıtındılap, brifing ötkizdi

Memleket basşısı otandıq BAQ ökilderi üşin brifing ötkizip, öñirdi damıtudıñ negizgi bağıttarı jäne jwmıs saparınıñ qorıtındıları boyınşa oblıs basşılığına berilgen tapsırmalar jöninde ayttı. Bwl turalı Aqordanıñ baspasöz qızmeti habarladı.

– Meniñ tapsırmalarımnıñ bäri oblısta tolıq orındaluda. Bwl öñirdegi jwmıstardıñ bastaması jaqsı dep sanaymın. Üş jılda 3 million şarşı metrden astam twrğın üy paydalanuğa berildi. Tek bıltırdıñ özinde 35 mektep salındı, – dedi Elbası.

Sonımen qatar Qazaqstan Prezidenti «Bes äleumettik bastamanıñ» öñirdegi iske asırılu barısına oñ bağa berip, oblıstıñ turistik äleuetin damıtu qajettigi turalı ayttı.

– Jwmıs saparım barısında Alakölge barıp, onıñ turistik klasterimen tanıstım. Barşa qazaqstandıqtarğa bizde tamaşa demalıs ornı bar ekenin aytqım keledi. Bwl jer osığan deyin igerilmegen bolatın. Onıñ infraqwrılımı da, qonaq üyleri de bolmağan edi. Büginde bwl öñirde biznes ökilderi belsendi türde jwmıs isteude. Köldiñ jağasında älemdik standarttarğa say keletin bes jwldızdı qonaq üy salındı, – dedi Elbası.

Nwrswltan Nazarbaev öñirdegi infraqwrılımdıq jobalardı iske asırudıñ qazirgi nätijeleri men aldağı josparları jöninde äñgimeledi.

– Memleket keremet jaylı «Almatı – Taldıqorğan» jolın salıp berdi. Bwl Alaköl arqılı Şığıs Qazaqstanğa aparatın ötpeli jol boladı. Jol saludıñ arqasında köp jwmıs ornı aşıladı, – dedi Memleket basşısı.

Sonday-aq, Elbası öñirdiñ negizgi ekonomikalıq körsetkişteri oñ qarqın alıp otırğanın atap ötip, oblıstıñ damu barısına toqtaldı.

– Almatı oblısı, äsirese agrarlıq salada, bärine ülgi bolıp otır. Öñir ekonomikası 4,2 payızğa östi, bwl elimizdegi ortaşa körsetkişten joğarı. Auıl şaruaşılığı men qwrılıs salaları örkendep, iske qosılğan äleumettik nısandar köbeyip keledi, – dedi Nwrswltan Nazarbaev.

Sonımen birge Qazaqstan Prezidenti oblıs basşılığı tarapınan erekşe nazar audarudı qajet etetin mindetterge toqtaldı.

– Oblıstıñ bükil ekonomikası 3-4 audanda şoğırlanğan. Onıñ özi tek önerkäsipti qamtidı. Osı audandar öñir ekonomikasınıñ 70 payızın qamtamasız etip otır. Basqa audandar bayau damuda, osı mäselege nazar audaru kerek, – dedi Elbası.

Sonımen qatar Nwrswltan Nazarbaev osı öñirde mal şaruaşılığı men auıl şaruaşılığı önimderin qayta öñdeu sektorın damıtu qajettigi jöninde ayttı.

Abai.kz

0 pikir